• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

സെന്‍സെക്‌സ് 60 പോയിന്റ് താഴ്ന്നു

മുംബൈ: നേട്ടത്തോടെ വില്‍പ്പന തുടങ്ങിയ ഓഹരി വിപണി ദിവസത്തിന്റെ അധികസമയവും പോസിറ്റീവ് ടെറിട്ടറിയില്‍ നിന്നതിനുശേഷം നഷ്ടത്തിലേക്ക് ചാഞ്ഞു. സെന്‍സെക്‌സ് 59.53 പോയിന്റ് ഇടിഞ്ഞ് 16420.05ലും നിഫ്റ്റി 9.10 താഴ്ന്ന് 4965.70ലും ക്ലോസ് ചെയ്തു.

യൂറോപ്യന്‍ വിപണിയില്‍ നിന്നുള്ള ആശങ്കകളും ചില കമ്പനികളുടെ പ്രവര്‍ത്തനഫല റിപ്പോര്‍ട്ടുകളിലുണ്ടായ തിരിച്ചടിയുമാണ് അവസാനമണിക്കൂറുകളില്‍ വിപണിയെ സ്വാധീനിച്ചത്.

ഐടിസി, ഇന്‍ഫോസിസ് തുടങ്ങിയ ബ്ലുചിപ്പ് ഓഹരികള്‍ക്കുണ്ടായ തിരിച്ചടിയാണ് പ്രധാനമായും പ്രതിഫലിച്ചത്. ബാങ്കിങ് മേഖല തുടര്‍ച്ചയായ രണ്ടാം ദിവസവും താഴോട്ടിറങ്ങി. സ്‌റ്റേറ്റ് ബാങ്ക് ഓഫ് ഇന്ത്യ രണ്ടു ശതമാനവും ഐസിഐസിഐ ബാങ്ക് 0.6 ശതമാനവും നഷ്ടം രേഖപ്പെടുത്തി.

ഓട്ടോ മേഖലയില്‍ രാജ്യത്തെ പ്രമുഖ കാര്‍നിര്‍മാതാക്കാളായ മാരുതി സുസുക്കിക്കാണ് കനത്ത തിരിച്ചടിയേറ്റത്. മൂന്നു ശതമാനത്തോളമാണ് താഴേക്കിറങ്ങിയത്. എച്ച്ഡിഐല്‍, സുസ്‌ലോണ്‍ എനര്‍ജി, ലൂപിന്‍ ലിമിറ്റഡ്, ആന്ധ്രബാങ്ക്, ആദിത്യ ബിര്‍ള ഓഹരികള്‍ക്കാണ് ശതമാന കണക്കില്‍ ഏറ്റവും കൂടുതല്‍ തിരിച്ചടിയേറ്റത്.

ഗ്ലെന്‍മാര്‍ക് ഫാര്‍മ, ഹെക്‌സാവെയര്‍ ടെക്‌നോളജീസ്, ബ്രിട്ടാനിയ ഇന്‍ഡസ്ട്രീസ്, മുത്തൂറ്റ് ഫിനാന്‍സ്, ചമ്പല്‍ ഫെര്‍ട്ടിലൈസേഴ്‌സ് ഓഹരികള്‍ നാലുശതമാനത്തിലധികം മുന്നേറി.

ബുധനാഴ്ച കനത്ത നഷ്ടം രേഖപ്പെടുത്തിയ മണപ്പുറം 20.70ല്‍ നിന്ന് 22.40 വരെ ഉയര്‍ന്നെങ്കിലും ക്ലോസ് ചെയ്തത് .55 പോയിന്റ് നഷ്ടത്തോടെ 20.15ലാണ്. വോള്യം നോക്കുമ്പോള്‍ ഏറ്റവും കൂടുതല്‍ ബിസിനസ് നടന്ന ഓഹരി കൂടിയായിരുന്നു ഇത്. മെറ്റല്‍ മേഖലയിലെ കരുത്തരായ ടാറ്റാ സ്റ്റീല്‍ വ്യാഴാഴ്ച 0.48 ശതമാനം കുറഞ്ഞ് 415.35ല്‍ വില്‍പ്പന അവസാനിപ്പിച്ചു.

English summary
The Sensex closed at 16420, down 60 points from its previous close, and the Nifty shut shop at 4966, down 9 points.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more