കൂറുമാറിയ കോണ്ഗ്രസ് വിമത ചെയര്പേഴ്സണ് അധ്യക്ഷ
ഒറ്റപ്പാലം: നഗരസഭയില് കൂറുമാറിയ കോണ്ഗ്രസ് അംഗം പി. പാറുക്കുട്ടിയെ ചെയര് പേഴ്സണായി തെരഞ്ഞെടുത്തു. മുന് ചെയര്പേഴ്സണ് റാണി ജോസിനെയാണു പാറുക്കുട്ടി പരാജയപ്പെടുത്തിയത്. സിപിഎം പിന്തുണയോടെയാണു പാറുക്കുട്ടിയുടെ വിജയം.
ആകെയുള്ള 36 അംഗ ഭരണസമിതിയിലെ 19 വോട്ടുകള് പാറുക്കുട്ടിക്കു ലഭിച്ചു. റാണി ജോസിനു 13 വോട്ടുകളും ബിജെപി സ്ഥാനാര്ഥി പാര്വതിക്കു 4 വോട്ടുകളും ലഭിച്ചു.
കൗണ്സിലിലെ 16 സിപിഎം അംഗങ്ങളും പാറുക്കുട്ടിയെ പിന്തുണയ്ക്കുകയായിരുന്നു. അവിശ്വാസത്തിലൂടെ പുറത്തായ റാണി ജോസിനെയാണ് യുഡിഎഫ് മത്സരിപ്പിച്ചത്. നാല് അംഗങ്ങളുളള ബിജെപിയുടെ സ്ഥാനാര്ഥിയായി പാര്വതിയും രംഗത്തുണ്ടായിരുന്നു. സിപിഎം അവതരിപ്പിച്ച അവിശ്വാസത്തെ പാറുക്കുട്ടി, എസ് ശെല്വന്, കെ. ബാബു എന്നിവര് പിന്തുണച്ചതോടെയാണ് യുഡിഎഫിന് നഗരസഭയില് ഭരണം നഷ്ടമായത്.
കൂറുമാറ്റ നിയമപ്രകാരം ഇവരെ അയോഗ്യരാക്കണമെന്ന് ആവശ്യപ്പെട്ട് തെരഞ്ഞെടുപ്പ് കമ്മീഷന് പരാതി ലഭിച്ചിട്ടുണ്ട്.