• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ചന്ദ്രശേഖരന്‍ നായര്‍, മൗസ് ഉന്തുന്ന കര്‍ഷകന്‍

അതിരാവിലെ പശുവിനെ കറന്നുകൊണ്ടാണ് ചന്ദ്രശേഖരന്‍ നായരുടെ ഒരു ദിവസം ആരംഭിക്കുന്നത്. റബ്ബര്‍ കൃഷിയും പറമ്പിലെ പണിയുമായി കഴിയുന്ന ഈ സാധാരണക്കാരന്റെ പേര് ബ്ലോഗര്‍മാര്‍ക്കിടയില്‍ തങ്കലിപികളിലെഴുതേണ്ടതാണെന്നു പറഞ്ഞാല്‍ ആരും ഒന്ന് അമ്പരക്കും. എസ്എസ്എല്‍സി വിദ്യാഭ്യാസം മാത്രമുള്ള ഈ വിമുക്തഭടന്‍ ഇന്ന് സാങ്കേതിക ലോകത്തെ അദ്ഭുതമാണ്. അദ്ദേഹത്തിന്റെ തന്നെ വാക്കുകള്‍ കടമെടുക്കുകയാണെങ്കില്‍ ' കംപ്യൂട്ടറിന്റെ പ്രാഥമിക ജ്ഞാനം പോലും ഇല്ലാതിരുന്നിട്ടും ലോകമെമ്പാടുമുള്ള ഐടി പ്രൊഫഷണലുകളുടെ സഹായത്താല്‍ ഇന്ന് ഒരു വെബ്‌സൈറ്റ് പരിപാലിക്കത്തക്ക യോഗ്യത നേടിയെടുക്കാന്‍ കഴിഞ്ഞിട്ടുണ്ട്.'

കാര്‍ഷികമേഖല നേരിടുന്ന വെല്ലുവിളികളും അവയ്ക്കുള്ള പരിഹാരമാര്‍ഗ്ഗങ്ങളും ഓണ്‍ലൈനിലൂടെ ജനങ്ങളിലെത്തിക്കുകയാണ് ഇദ്ദേഹത്തിന്റെ ലക്ഷ്യം. മലയാളം, ഹിന്ദി, ഇംഗ്ലീഷ് ഭാഷകളില്‍ പ്രസിദ്ധീകരിക്കുന്ന കേരളഫാര്‍മര്‍ഓണ്‍ലൈനാണ് പ്രധാന ബ്ലോഗ്. ഡൗണ്‍ടു എര്‍ത്ത്, ഹിന്ദുസ്ഥാന്‍ടൈംസ്, ന്യൂഇന്ത്യന്‍ എക്‌സ്പ്രസ്, ദ ഹിന്ദു, ഇന്ത്യ ടൈംസ്, ദ ഹിന്ദു ബിസിനസ് ലൈന്‍, കമ്യൂണിറ്റി പേപ്പര്‍ലി, മാതൃഭൂമി, മാധ്യമം എന്നിവയില്‍ ഈ കര്‍ഷക-ഐടി വിദഗ്ധനെ കുറിച്ച് റിപ്പോര്‍ട്ടുകള്‍ വന്നിട്ടുണ്ട്.

2008 സെപ്തംബര്‍ ഒന്നുമുതലാണ് കേരള ഫാര്‍മര്‍ ഓണ്‍ലൈന്‍ ഡോട്ട് കോം പ്രവര്‍ത്തനം തുടങ്ങിയത്. ചൂഷണം ചെയ്യുന്ന ഇടനിലക്കാരില്‍ നിന്നും കര്‍ഷകരെ രക്ഷിക്കുകയായിരുന്നു സൈറ്റിന്റെ ലക്ഷ്യം. അതാത് ദിവസത്തെ റബ്ബര്‍ വില ഉള്‍പ്പെടെ കര്‍ഷകരെ സഹായിക്കുന്ന ഒട്ടേറെ കാര്യങ്ങള്‍ വെബ്‌സൈറ്റില്‍ ഉള്‍പ്പെടുത്തിയിട്ടുണ്ട്. റബ്ബര്‍ മേഖലയുമായി ബന്ധപ്പെട്ട് പ്രവര്‍ത്തിക്കുന്ന ലോകത്തെ ഒട്ടുമിക്ക സംഘടനകളുമായി ചന്ദ്രശേഖരന്‍ നായര്‍ക്ക് അടുത്ത ബന്ധമാണുള്ളത്.

ഓപണ്‍ സോഴ്‌സ് സോഫ്റ്റ്‌വെയറുകളുടെ പ്രചാരകന്‍ കൂടിയാണ് ഈ കര്‍ഷകന്‍. ഇച്ഛാശക്തി തന്നെയാണ് ഈ പ്രായത്തിലും ഇത്തരം കാര്യങ്ങള്‍ ഉള്‍കൊള്ളാനും അവയ്ക്കുവേണ്ടി സമയം കണ്ടെത്താനും ഈ മേഖലയിലെ വിദഗ്ധരുമായി സംവദിക്കാനും ചന്ദ്രശേഖരന്‍ നായരെ സഹായിക്കുന്നത്.

English summary
S. Chandrasekharan Nair is a farmer and blogger, who cares about rubber and other farmers. This ex-serviceman learned to read and write english better from the internet. Now he publishing multilingual blog-keralafarmeronline.com-in Malayalam, Hindi and English.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more