മഹാശ്വേത ദേവി പിണറായിയോട് ക്ഷമ ചോദിച്ചു
മെയ് അഞ്ചിന് കൊല്ലപ്പെട്ട ആര്എംപി നേതാവ് ടിപി ചന്ദ്രശേഖരന്റെ വസതി സന്ദര്ശിച്ചതിന് ശേഷമാണ് പിണറായി വിജയനെയും സിപിഎമ്മിനെയും രൂക്ഷമായ വിമര്ശിയ്ക്കുന്ന തുറന്ന കത്ത് മഹാശ്വേത ദേവി തയാറാക്കിയത്.
പിണറായി താമസിക്കുന്നത് ഒരു സാധാരണ വീട്ടിലാണെന്ന് എനിക്ക് മനസ്സിലായി. എന്റെ പരാമര്ശം അദ്ദേഹത്തെ വിഷമിപ്പിച്ചതായും അറിഞ്ഞു. പിണറായി രമ്യഹര്മത്തില് നിന്നും പുറത്തുവരണമെന്ന് ഞാന് പറഞ്ഞത് തെറ്റായ വിവരങ്ങളുടെ അടിസ്ഥാനത്തിലായിരുന്നു.അതിനാല് ഇക്കാര്യത്തില് ക്ഷമ ചോദിച്ച് പിണറായിക്ക് കത്തയച്ചതായി മഹാശ്വേത ദേവി അഭിമുഖത്തില് പറഞ്ഞു.
തന്റെ വീട് രമ്യഹര്മമാണോ എന്ന് പരിശോധിക്കാന് മഹാശ്വേതാ ദേവിക്ക് എപ്പോള് വേണമെങ്കിലും വീട് സന്ദര്ശിക്കാമെന്ന് പിണറായി അവര്ക്കയച്ച മറുപടിക്കത്തില് പറഞ്ഞിരുന്നു. സിപിഎമ്മിനെതിരെ ആരൊക്കെയോ നടത്തുന്ന തെറ്റിദ്ധാരണ വിശ്വസിച്ചാണ് താങ്കള് ആരോപണം ഉന്നയിച്ചിരിക്കുന്നത്. കേരളത്തിലും ബംഗാളിലും സിപിഎമ്മിനെ ശത്രുക്കള് വളഞ്ഞാക്രമിക്കുകയാണ്. അത്തരക്കാര് നടത്തുന്ന തെറ്റിദ്ധാരണയില് വിശ്വസിച്ചാണ് ആരോപണം ഉന്നയിക്കുന്നതെന്നും പിണറായിയുടെ കത്തിലുണ്ടായിരുന്നു.
Click it and Unblock the Notifications
Sign in with Google