ലീഗിനെതിരെ നായര്-ഈഴവ ഐക്യം
വെള്ളാപ്പള്ളിയുടെ ദൂതനുമായി ചര്ച്ച നടത്തി. പിന്നീട് വെള്ളാപ്പള്ളിയുമായി ഫോണില് സംസാരിച്ചു. തങ്ങള്ക്കിടയിലുണ്ടായിരുന്ന തെറ്റിദ്ധാരണകള് മാറി. ഉടന് തന്നെ വെള്ളാപ്പള്ളിയുമായി കൂടിക്കാഴ്ച നടത്തുമെന്നും സുകുമാരന് നായര് അറിയിച്ചു.
മലപ്പുറത്ത് 35 സ്കൂളുകള്ക്ക് എയ്ഡഡ് പദവി നല്കാനുള്ള മുഖ്യമന്ത്രിയുടെ തീരുമാനം ലീഗിന്റെ ഭീഷണിയ്ക്ക് വഴങ്ങിയാണ്. ഇക്കണക്കിനാണെങ്കില് ഉമ്മന് ചാണ്ടിയും സെക്രട്ടേറിയറ്റും മലപ്പുറത്തേക്കു മാറുകയാണു നല്ലതെന്നും സുകുമാരന് നായര് പറഞ്ഞു.
ഇരു സംഘടനകളും യോജിച്ച് പ്രവര്ത്തിക്കേണ്ടത് കാലഘട്ടത്തിന്റെ ആവശ്യമാണെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് പറഞ്ഞു. ഹിന്ദുസമുദായത്തെ തമ്മില്ത്തല്ലിച്ച് അതിനിടയില് നിന്ന് ചോരകുടിക്കാമെന്ന ദുര്മോഹം ഇനി വേണ്ട.
അത്തരക്കാര്ക്കെതിരെ സംഘടിക്കേണ്ടത് കാലഘട്ടത്തിന്റെ ആവശ്യമാണ്. എന്എസ്എസ്സും എസ്എന്ഡിപിയും യോജിച്ച് പ്രവര്ത്തിക്കുമെന്ന സുകുമാരന് നായരുടെ പ്രസ്താവന ഇതിലേക്കാണ് വിരല് ചൂണ്ടുന്നത്. കൂടിക്കാഴ്ചയ്ക്കുള്ള തീയ്യതി സുകുമാരന് നായര് അറിയിക്കുമെന്നും വെള്ളാപ്പള്ളി പറഞ്ഞു.
Click it and Unblock the Notifications
Sign in with Google