മണിയ്ക്കായി തിരച്ചില്
ചോദ്യം ചെയ്യലിനായി അന്വേഷണ സംഘത്തിന് മുന്നില് ഹാജരാവാത്ത എംഎം മണി ഒളിവിലാണെന്ന് സൂചനയുണ്ടായിരുന്നു. സുപ്രീംകോടതിയില് കേസ് നല്കുന്നതിനായി മണി ദില്ലിയ്ക്ക് പോയെന്ന് വാര്ത്തകള് വരുന്നുണ്ടെങ്കിലും പൊലീസ് ഇത് വിശ്വസിച്ചിട്ടില്ല.
മണിയുടെ മൊബൈല് ഫോണ് കുഞ്ചിത്തണ്ണി ടവറിന്റെ പരിധിയില് തന്നെയുണ്ടെന്ന് അന്വേഷണത്തില് വ്യക്തമായിട്ടുണ്ട്. മണി ദില്ലിയ്ക്ക് പോയിട്ടില്ലെന്ന് പാര്ട്ടി പ്രവര്ത്തകരും പറയുന്നു. മണി ഇടുക്കിയില് തന്നെയുണ്ടെന്നാണ് അഭിഭാഷകരും പാര്ട്ടി നേതൃത്വവും പറയുന്നത്.
അറസ്റ്റ് ഉള്പ്പെടെയുള്ള കടുത്ത നടപടികളിലേക്ക് അന്വേഷണ സംഘം നീങ്ങുമെന്നു കണ്ടാല് മണി ചോദ്യം ചെയ്യലിനായി ഹാജരായേക്കുമെന്നാണ് സൂചന.
ചോദ്യം ചെയ്യലിനോട് സഹകരിക്കുമെന്ന സൂചനയാണ് മണിയും പാര്ട്ടിയും നല്കിയിരുന്നത്. എന്നാല് തിങ്കളാഴ്ച മണിയുടെ അഭിഭാഷകനെത്തി പത്തു ദിവസത്തെ അവധിയ്ക്ക് അപേക്ഷിക്കുകയായിരുന്നു. എന്നാല് മണിയുടെ അവധി അപേക്ഷ അംഗീകരിക്കാനാവില്ലെന്നും കേസന്വേഷണവുമായി മുന്നോട്ടു പോകുമെന്നും പൊലീസ് അറിയിച്ചു.
തനിക്കെതിരായ എഫ്ഐആര് റദ്ദാക്കണമെന്ന് ആവശ്യപ്പെട്ട് സുപ്രീം കോടതിയെ സമീപിക്കുന്ന സാഹചര്യത്തിലാണ് മണി അന്വേഷണ സംഘത്തിന് മുന്പാകെ ഹാജരാവാത്തത്. സുപ്രീം കോടതി അഭിഭാഷകനില് നിന്ന് ലഭിച്ച നിയമോപദേശത്തിന്റെ അടിസ്ഥാനത്തിലാണ് അവധിക്ക് അപേക്ഷിച്ചത്.
Click it and Unblock the Notifications
Sign in with Google