മലയാളി നഴ്സിനെ ഡോക്ടര്മാര് പീഡിപ്പിച്ചു
മെയ് 12ന് ട്രിച്ചിയിലെ കേരള ആയുര്വേദ ആശുപത്രിയില് ജോലി ചെയ്യുന്ന അജിത്ത് കുമാര് എന്ന ഡോക്ടര് യുവതിയ്ക്ക് ജോലി നല്കി. തുടര്ന്ന് ചെന്നൈയില് പരിശീലനം നടത്തണമെന്നു പറഞ്ഞ് ജൂണ് എട്ടിന് യുവതിയെ നഗരത്തിലേയ്ക്ക് വിളിച്ചു വരുത്തി. ഇവിടെയെത്തിയ യുവതിയെ അജിത്തും ഇതേ ആശുപത്രിയുടെ ചെന്നൈ സെന്ററില് ജോലി ചെയ്യുന്ന കെആര് ഷിജിത്ത് എന്ന ഡോക്ടറും ചേര്ന്ന് റെയില്വേ സ്റ്റേഷനില് നിന്ന് അണ്ണാനഗറിലെ അപ്പാര്ട്ട്മെന്റിലേയ്ക്ക് കൊണ്ടു വന്നു.
തുടര്ന്ന് ഇരുവരും പെണ്കുട്ടിയെ പീഡിപ്പിച്ചുവെന്നാണ് ആരോപണം. ഇക്കാര്യം പുറത്ത് പറയരുതെന്ന് ഇവര് പെണ്കുട്ടിയെ ഭീഷണിപ്പെടുത്തുകയും ചെയ്തു. എന്നാല് യുവതി ഇക്കാര്യം ഒരു കൂട്ടുകാരിയോട് പറയുകയും തുടര്ന്ന് അവര് പൊലീസില് പരാതിപ്പെടുകയുമായിരുന്നു. സംഭവം പുറത്തായതിനെ തുടര്ന്ന് ഡോക്ടര്മാര് ഒളിവില് പോയിരിക്കുകയാണ്.