• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വാളകം കേസ്: ബാലകൃഷ്ണ പിള്ളയെ ചോദ്യം ചെയ്യും

  • By Ajith Babu

കൊട്ടാരക്കര: വാളകത്ത് അധ്യാപകനെ ദുരൂഹസാഹചര്യത്തില്‍ പരിക്കേറ്റനിലയില്‍ കണ്ട സംഭവത്തില്‍ മുന്‍ മന്ത്രി ആര്‍.ബാലകൃഷ്ണപിള്ളയെ ഉടന്‍ ചോദ്യം ചെയ്യുമെന്ന് അന്വേഷണസംഘം വ്യക്തമാക്കി. ആര്‍.ബാലകൃഷ്ണപിള്ളയുടെ ഉടമസ്ഥതയിലുള്ള വാളകം രാമവിലാസം സ്‌കൂളിലെ അധ്യാപകനാണ് പരിക്കേറ്റ കൃഷ്ണകുമാര്‍. കഴിഞ്ഞ സെപ്തംബര്‍ 27ന് രാത്രിയിലാണ് പരിക്കേറ്റനിലയില്‍ അധ്യാപകനെ എംസിറോഡില്‍ കണ്ടത്.

സിബിഐ കേസ് ഏറ്റെടുത്ത ശേഷം, ഒരാഴ്ച മുമ്പ് കൃഷ്ണകുമാറിനോടും ഭാര്യ ഗീതയോടും വാളകത്തെ വീട്ടിലെത്തി വിവരങ്ങള്‍ ആരാഞ്ഞിരുന്നു. സ്‌കൂള്‍ മാനേജരായ ആര്‍. ബാലകൃഷ്ണ പിള്ളയ്ക്ക് സംഭവത്തില്‍ പങ്കുള്ളതായി ഇരുവരും ആവര്‍ത്തിച്ച് പറഞ്ഞിരുന്നു.

ഇതുവരെ 45ഓളം പേരെ സിബിഐ ചോദ്യം ചെയ്തു. ചില നിര്‍ണായക വിവരങ്ങള്‍ ലഭിച്ചതായും ചിലര്‍ നിരീക്ഷണത്തിലാണെന്നും സൂചനയുണ്ട്. ഒരാഴ്ചയ്ക്കുള്ളില്‍ യഥാര്‍ഥ ചിത്രം വ്യക്തമാകുമെന്ന് സിബിഐയുടെ പ്രതീക്ഷ.

സംഭവവുമായി ബന്ധപ്പെട്ട് തുടക്കംമുതല്‍ സംശയത്തിന്റ മുള്‍മുനയില്‍ നിന്ന കടയ്ക്കലിലെ ജ്യോല്‍സ്യന്‍ ശ്രീകുമാറിന്റെയോ മകന്‍ സജീഷിന്റെയോ മൊഴി രേഖപ്പെടുത്തുകയുണ്ടായില്ല. ബാലകൃഷ്ണ പിള്ളയുടെ മകനും വനംമന്ത്രിയുമായ കെ.ബി. ഗണേഷ് കുമാറിനെ ചോദ്യം ചെയ്യുമോ എന്ന് ഇപ്പോള്‍ പറയാനാവില്ലെന്ന് അന്വേഷണസംഘം വ്യക്തമാക്കി.

English summary
CBI is receptive to any information regarding the alleged attack, its circumstances, suspected persons and the weapons and vehicles used in the case from the people.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X