ലണ്ടന് ഒളിംപിക്സ് ദീപശിഖയേന്താന് ബച്ചനും
വെള്ളിയാഴ്ച നടക്കുന്ന ഒളിംപിക്സ് ഉദ്ഘാടന ചടങ്ങിന് മുന്നോടിയായുള്ള റാലിയില് ബച്ചന് ഇന്ത്യയ്ക്കു വേണ്ടി ദീപ ശിഖയേന്തും. ഇക്കാര്യം അറിയിച്ചിരിക്കുന്നത് ബച്ചന് തന്നെയാണ്. ട്വിറ്ററിലൂടെയാണ് അദ്ദേഹം ഇക്കാര്യം ലോകത്തെ അറിയിച്ചിരിക്കുന്നത്.
സൗത്തവാര്ക്കില് വെച്ച് രാവിലെ 10.30നായിരിക്കും ബച്ചന് ദ്വീപശിഖയേന്തുക. ആ നിമിഷം തനിക്കും രാജ്യത്തിനും അഭിമാനാര്ഹമായ നിമിഷമായിരിക്കും എന്ന് ബച്ചന് ട്വീറ്റ് ചെയ്തിരിക്കുന്നു.
ഒളിംപിക്സിന്റെ ഭാഗമാകുന്ന ഇന്ത്യന് സെലിബ്രിറ്റി അമിതാഭ് ബച്ചന് മാത്രമല്ല. ഉദ്ഘാടന ചടങ്ങില് ഇന്ത്യന് സംഗീത സാമ്രാട്ടായ എആര് റഹ്മാനും സ്ലംഡോഗ് മില്യനര് സംവിധായകന് ഡാനി ബോയലും ചേര്ന്ന് സംഗീത വിരുന്ന് ഒരുക്കുന്നുണ്ട്. ഇക്കാര്യം റഹ്മാന് തന്റെ ഫെയ്സ്ബുക്ക് പേജില് പോസ്റ്റ് ചെയ്തിട്ടുണ്ട്.
ഉദ്ഘാടന ചടങ്ങില് ഇളയാരാജയുടെ സംഗീത സാന്നിധ്യവും ഉണ്ടാവും.