മധുര ഹണിയുടെ കുടുംബം ഒളിവില്
ബാംഗ്ലൂര്: ഒളിമ്പിക്സ് മാര്ച്ച് പാസ്റ്റില് നുഴഞ്ഞു കയറിയ ബാംഗ്ലൂര് സ്വദേശിനി മധുര ഹണിയുടെ കുടുംബം ഒളിവില്. മധുര ഹണിയുടെ നടത്തം വിവാദമായതോടെ ഇവരുടെ ബനശങ്കരിയിലെ വീട്ടിലേയ്ക്ക് മാധ്യമപ്പട ഒഴുകിയെത്തി. ഇതോടെയാണ് മധുരയുടെ അച്ഛന് കെ.എല്. നാഗേന്ദ്രയും അമ്മ ജാഹ്നവിയും സഹോദരിമാരും വീടു പൂട്ടി സ്ഥലം വിട്ടത്.
ബാംഗ്ലൂര് സ്വദേശിനിയായ മധുര ഹണിയുടെ യഥാര്ഥ പേര് മധുര നാഗേന്ദ്രയെന്നാണ്. ലണ്ടന് ഒളിംപിക്സില് ഡാനി ബോയ്ല് സംവിധാനം ചെയ്ത കലാപരിപാടിയില് പങ്കെടുക്കാനാണ് മകള് പോയതെന്ന് അച്ഛന് നാഗേന്ദ്ര കഴിഞ്ഞ ദിവസം ഒരു പ്രദേശിക ചാനലിനോട് വെളിപ്പെടുത്തിയിരുന്നു. ഇതെ തുടര്ന്ന് മധുരയുടെ കുടുംബത്തെ തേടി മാധ്യമപ്പട എത്തി.
എന്നാല് ഇവര് വീടുപൂട്ടി പോയെന്നു മാത്രമാണ് അയല്വാസികള്ക്ക് പറയാനുള്ളത്. മൊബൈല് ഫോണില് ബന്ധപ്പെടാന് ശ്രമിച്ചവര്ക്കും നിരാശയായിരുന്നു ഫലം. ഇവരെ കുറിച്ച് ചോദിച്ചാലും അയല്വാസികള് അധികം കാര്യങ്ങളൊന്നും വെളിപ്പെടുത്താന് തയ്യാറല്ല. മധുര നല്ല കുട്ടിയാണ്. നൃത്തം പഠിച്ചിട്ടുണ്ട്. ഒളിമ്പിക്സില് നൃത്തം അവതരിപ്പിക്കാന് അവസരം കിട്ടിയപ്പോള് മുതല് ഏറെ ആവേശത്തിലായിരുന്നു. എന്നാല് പിന്നീടെന്താണ് സംഭവിച്ചതെന്ന് തങ്ങള്ക്കറിയില്ലെന്നും ഇവര് പറയുന്നു.
2009ല് ബാംഗ്ലൂര് ക്രൈസ്റ്റ് കോളേജില് നിന്ന് കമ്യൂണിക്കേഷന്സില് ബിരുദാനന്തര ബിരുദം നേടിയ മധുര ഒന്നര വര്ഷം മുന്പാണ് ഉന്നത പഠനത്തിനായി ലണ്ടനില് പോയത്.