കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഫേസ്ബുക്കില്‍ തെറിവിളി 3പേര്‍ക്കെതിരെ കേസ്

  • By Ajith Babu
Google Oneindia Malayalam News

കൊടുങ്ങല്ലൂര്‍: ചെങ്ങന്നൂര്‍ മഹാദേവക്ഷേത്രത്തിലെ തൃപ്പുത്താറാട്ടിനെ ഫേസ്ുബുക്കിലൂടെ വിമര്‍ശിച്ച കൊടുങ്ങല്ലൂര്‍ സ്വദേശിക്കുനേരെ അസഭ്യവര്‍ഷം നടത്തിയ മൂന്നുപേര്‍ക്കെതിരെ കോടതി ഉത്തരവ് പ്രകാരം പൊലീസ് കേസെടുത്തു.

ചെങ്ങന്നൂര്‍ സ്വദേശികളായ പുത്തന്‍കാവ് ദിലീപ് ശങ്കര്‍, പാണ്ടനാട് വിഷ്ണു രാധാകൃഷ്ണന്‍, കൊച്ചുകൃഷ്ണപിള്ള ശശികുമാര്‍ എന്നിവര്‍ക്കെതിരെയാണ് കൊടുങ്ങല്ലൂര്‍ പൊലീസ് കേസെടുത്തത്. ഭീഷണിക്കിരയായ കൊടുങ്ങല്ലൂര്‍ ലോകമലേശ്വരം സ്വദേശി ശിവപ്രസാദ് അഡ്വ. കെ.കെ. അന്‍സാര്‍ മുഖേന സമര്‍പ്പിച്ച ഹരജിയിലാണ് കൊടുങ്ങല്ലൂര്‍ ജുഡീഷ്യല്‍ ഫസ്റ്റ് ക്‌ളാസ് മജിസ്‌ട്രേറ്റ് കോടതിയുടെ ഉത്തരവ്. സൈബര്‍ നിയമപ്രകാരവും, ഇന്ത്യന്‍ ശിക്ഷാനിയമമനുസരിച്ചുമാണ് കേസ്.

ചെങ്ങന്നൂര്‍ ക്ഷേത്രവുമായി ബന്ധപ്പെട്ട ആചാരത്തെ ശിവപ്രസാദ് വിമര്‍ശിച്ചതാണ് പ്രതികളെ പ്രകോപിപ്പിച്ചത്. ഇതില്‍ രോഷം പൂണ്ട ഇവര്‍ ഫേസ്ബുക്കിലൂടെ അസഭ്യവര്‍ഷവും കൊലവിളിയും നടത്തിയിരുന്നു. തിന്റെ പകര്‍പ്പുകള്‍ പരാതിക്കാരന്‍ പൊലീസില്‍ ഹാജരാക്കി. കൊടുങ്ങല്ലൂര്‍ സി.ഐക്കാണ് അന്വേഷണ ചുമതല.

അതേസമയം ഫസ്ബുക്ക് അഭിപ്രായവുമായി ബന്ധപ്പെട്ട് ശിവപ്രസാദിനെതിരെ ചെങ്ങന്നൂര്‍ പൊലീസ് കേസെടുത്തിരുന്നു. ഇതിനെതിരെ നിലപാട് പ്രഖ്യാപിച്ച് തുടര്‍പ്രവര്‍ത്തനങ്ങള്‍ക്ക് കഴിഞ്ഞ ദിവസം കൊടുങ്ങല്ലൂരില്‍ ആവിഷ്‌കാര സ്വാതന്ത്ര്യ സംരക്ഷണ സമിതി രൂപവത്കരിച്ചിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X