Click it and Unblock the Notifications
Just In
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സേനയില്‍ ചേരാന്‍ സൗജന്യ പരിശീലനം
കുറഞ്ഞത് 170 സെന്റിമീറ്റര്‍ ഉയരവും പ്‌ളസ്ടു യോഗ്യതയും 17 വയസ്സിനും 25 വയസ്സിനും ഇടയില്‍ പ്രായവുമുളള മുസ്‌ളീം, ക്രിസ്ത്യന്‍, ബുദ്ധ, സിഖ്, പാഴ്‌സി എന്നീ വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ പ്രായം, യോഗ്യത എന്നിവ തെളിയിക്കുന്ന രേഖകള്‍, തിരിച്ചറിയല്‍ രേഖകള്‍ എന്നിവ സഹിതം താഴെക്കൊടുത്തിരിക്കുന്ന സ്ഥലത്ത് നിശ്ചിത സമയത്ത് പരിശീലനത്തിനായുളള പ്രാഥമിക തെരഞ്ഞെടുപ്പിനായി എത്തിച്ചേരണം.
തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, ഇടുക്കി, എറണാകുളം ജില്ലക്കാര്‍ സെപ്തംബര്‍ 26 ന് രാവിലെ പത്ത് മണിക്ക് തിരുവനന്തപുരത്ത് സെക്രട്ടറിയേറ്റ് അനക്‌സിന് സമീപം അദ്ധ്യാപക ഭവനിലും തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലക്കാര്‍ സെപ്തംബര്‍ 28 ന് രാവിലെ പത്ത് മണിക്ക് കോഴിക്കോട് സിവില്‍ സ്റേഷന് സമീപമുളള പി.ആര്‍.ടി.സി. യിലുമാണ് ഹാജരാകേണ്ടത്.
രണ്ടു മാസക്കാലം തികഞ്ഞ സൈനിക അച്ചടക്കത്തില്‍ ക്യാമ്പസ്സില്‍ താമസിച്ചുകൊണ്ടുളള പരിശീലന പരിപാടിയില്‍ കായികക്ഷമത, എഴുത്തു പരീക്ഷ, ഇന്റര്‍വ്യൂ തുടങ്ങിയവയില്‍ വിജയിക്കാന്‍ ഉതകുന്ന തരത്തിലുളള പരിശീലന ക്‌ളാസ്സുകള്‍, വ്യക്തിത്വ വികസന ക്‌ളാസുകള്‍, പ്രഥമ ശുശ്രൂഷ, നിയമ ബോധവല്‍ക്കരണം എന്നിവ ഉള്‍ക്കൊളളിച്ചിട്ടുണ്ട്.
ക്‌ളാസുകള്‍ അതത് മേഖലയിലെ വിദഗ്ദര്‍ കൈകാര്യം ചെയ്യും. തെരഞ്ഞെടുക്കപ്പെടുന്ന ഉദ്യോഗാര്‍ത്ഥികള്‍ക്ക് പരിശീലനം, ഭക്ഷണം, താമസം എന്നിവ സൌജന്യമായിരിക്കും. കോഴിക്കോട് സിവില്‍ സ്റേഷന് റോഡിലുളള പ്രീ റിക്രൂട്ട്‌മെന്റ് ട്രെയിനിങ് സെന്ററിനാണ് (പി.ആര്‍.ടി.സി) പരിശീലന ചുമതല. വിശദവിവരങ്ങള്‍ക്ക് ന്യൂനപക്ഷക്ഷേമ ഡയറക്ടറേറ്റിലെ ഫോണ്‍ നമ്പരുകളില്‍ (0471 2300523, 2302090) ബന്ധപ്പെടണം.
