കേരളത്തില് പാചകവാതക ക്ഷാമം രൂക്ഷമാവും
ചാല ദുരന്തത്തെ തുടര്ന്ന് പൊലീസ് പല സ്ഥലത്തും ടാങ്കറുകള് പരിശോധനയ്ക്കായി പിടിച്ചിടുന്നുണ്ട്. ഇതിന് പുറമേ നാട്ടുകാരും പലയിടങ്ങളിലും ടാങ്കറുകളുടെ നീക്കം തടസ്സപ്പെടുത്തുന്നു. ഇതുമൂലം ഇന്ത്യന് ഓയില് കോര്പറേഷന്റെ പ്രധാന പാചകവാതക വിതരണ കേന്ദ്രമായ മലപ്പുറം ചേളാരിയില് നാമമാത്രമായ ഫില്ലിങ് മാത്രമാണ് നടക്കുന്നത്. മംഗലാപുരത്തുനിന്നും 12 ടാങ്കറുകള് ചേളാരിയിലേക്ക് പുറപ്പെട്ടിട്ടുണ്ടെങ്കിലും ഇവ എന്ന് എത്തിച്ചേരുമെന്ന കാര്യത്തില് വ്യക്തതയില്ല. ഈ സ്ഥിതി തുടരുകയാണെങ്കില് ദിവസങ്ങള്ക്കുള്ളില് തന്നെ മലബാര് മേഖലയില് പാചകവാതക പ്രതിസന്ധി രൂക്ഷമാവും.
കോട്ടയം, ഇടുക്കി, തൃശൂര്, പാലക്കാട, എറണാകുളം, ആലപ്പുഴ ജില്ലകളും കടുത്ത പാചകവാതക ക്ഷാമത്തിലാണ്. എല്പിജി ടാങ്കറുകള്ക്ക് മംഗലാപുരത്തു നിന്നും കൊച്ചിയിലേക്ക് ഓടാന് കഴിയുന്നില്ല. ടാങ്കറുകള് റോഡരികില് നിര്ത്തിയിടാന് പോലും കഴിയാത്ത അവസ്ഥയാണെന്നും ഇന്ത്യന് ഓയില് കോര്പറേഷന് അധികൃതര് പറയുന്നു.
Click it and Unblock the Notifications
Sign in with Google