ടിപി വധത്തിന് പിന്നില് സിപിഎം തന്നെ:മുല്ലപ്പള്ളി
കല്പറ്റ: ടിപി ചന്ദ്രശേഖരനെ വധിച്ചതിന് പിന്നില് സി.പി.എം ആണെന്ന മുന് നിലപാടില് ഉറച്ചു നില്ക്കുന്നതായി കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന് പറഞ്ഞു. ടി.പി. മരിച്ച അന്നു തന്നെ ഈ നിലപാട് വ്യക്തമാക്കിയതാണ്. അതിനു ഇപ്പോഴും യാതൊരു മാറ്റവും വന്നിട്ടില്ലെന്നും അദ്ദേഹം പറഞ്ഞു.
ബി.ജെ.പിയുടെ ദേശീയ പ്രമേയത്തില് പറയുന്ന പോലെ കേരളത്തില് മുസ്ലീംലീഗ് തീവ്രവാദം പ്രോത്സാഹിപ്പിക്കുന്നില്ലെന്ന് കേന്ദ്ര ആഭ്യന്തരസഹമന്ത്രി മുല്ലപ്പള്ളി രാമചന്ദ്രന്. സംസ്ഥാനത്ത് മതമൗലികവാദ ഗ്രൂപ്പുകള് പ്രവര്ത്തിക്കുന്നുണ്ടെങ്കിലും രാജ്യസുരക്ഷക്ക് ഭീഷണി ഉയര്ത്തുന്ന തരത്തിലുള്ള പ്രവര്ത്തനങ്ങളുണ്ടോയെന്ന കാര്യം പരിശോധിച്ച് വരികയാണ്.
ഇവരുടെ പ്രവര്ത്തനങ്ങള് ഇന്റലിജന്സ് ബ്യൂറോ നിരീക്ഷിക്കുന്നുണ്ട്. രാജ്യം നേരിടുന്ന ഏറ്റവും വലിയ ഭീഷണി മാവോവാദമാണെന്നും അദ്ദേഹം പറഞ്ഞു. വയനാട്ടില് മാധ്യമപ്രവര്ത്തകരോട് സംസാരിയ്ക്കുകയായിരുന്നു അദ്ദേഹം.