നടി ലിസിയ്ക്ക് ഹൈക്കോടതി നോട്ടീസ്
വര്ക്കിക്ക് പ്രതിമാസം 4500 രൂപയും മരുന്നിനായി 1000 രൂപയും നല്കണമെന്ന് കോടതി മുന്പ് ഉത്തരവിട്ടിരുന്നു. എന്നാല് ഈ തുക ലഭിക്കുന്നില്ലെന്ന് കാണിച്ചാണ് വര്ക്കി ഹൈക്കോടതിയെ സമീപിച്ചത്.
ദരിദ്രനായ തനിക്ക് ചെലവിന് നല്കാന് ലിസി തയ്യാറാവുന്നില്ലെന്ന് ചൂണ്ടിക്കാട്ടി ലിസിയുടെ പിതാവ് എം.ഡി വര്ക്കി അപ്പലേറ്റ് െ്രെടബ്യൂണലിലും പരാതി സമര്പ്പിച്ചിരുന്നു. അപ്പീല് പരിഗണിച്ച കലക്ടര് നടിയോട് എല്ലാ മാസവും 10000 രൂപ പിതാവിന് ചെലവിന് നല്കണമെന്ന് നിര്ദേശിച്ചിരുന്നു. എന്നാല് നടി ഇതിന് തയ്യാറായില്ല.
ഇത്രയും കാലത്തെ ജീവിതത്തില് ഒരിക്കല് പോലും താന് അച്ഛനെന്ന് അവകാശപ്പെടുന്നയാളെ കണ്ടിട്ടില്ലെന്നായിരുന്നു നടിയുടെ വാദം. തനിയ്ക്കറിയാത്ത ഒരു വ്യക്തിയെ പരിചരിക്കാനായി താനെന്തിന് പണം നല്കണമെന്നതാണ് ലിസിയുടെ ചോദ്യം.
തന്റെ സ്ക്കൂള് സര്ട്ടിഫിക്കറ്റുകളില് ജോര്ജ് എന്നാണ് അച്ഛന്റെ പേരായി നല്കിയത്. വര്ക്കിയെന്നല്ല. ഇയാള് തന്റെ അച്ഛനാണെന്ന് ആദ്യം തെളിയിക്കട്ടെ. താന് ജനിച്ചശേഷം അമ്മയെ ഉപേക്ഷിച്ച് പോയയാളാണ് അച്ഛന്. തന്നെ വളര്ത്തിയത് അമ്മയാണെന്നും ലിസി പറയുന്നു.
അങ്ങനെയൊരു അച്ഛനുണ്ടായിരുന്നെങ്കില് അയാള് എന്ത് കൊണ്ട് എന്റെ ഭക്ഷണത്തിനും പഠനത്തിനും, യൂണിഫോമിനും വേണ്ടിയൊന്നും പണം തന്നില്ല. ഞാന് പാവപ്പെട്ടവരെ സഹായിക്കുന്നതില് മടി കാട്ടിയിട്ടില്ല. എന്നാല് അര്ഹതയില്ലാത്തവര്ക്ക് പണം നല്കാന് ഞാന് തയ്യാറല്ല ലിസി വ്യക്തമാക്കിയിരുന്നു.