ബസ് ചാര്ജ് കൂട്ടാന് 15ദിവസത്തെ സാവകാശം
ബസ് ചാര്ജ് വര്ദ്ധിപ്പിക്കുന്നതിന് എതിരെ ഹൈക്കോടതിക്ക് പരാതി നല്കിയിരിക്കുന്ന കണ്സ്യൂമര് എജുക്കേഷന് കൊച്ചി എന്ന സംഘടനയുടെ വാദം കൂടി കേള്ക്കേണ്ടത് ഉള്ളതിനാല് ആണ് 15 ദിവസത്തെ സാവകാശം വേണമെന്ന് പറയുന്നത് എന്ന് ആര്യാടന് വിശദീകരിക്കുന്നു.
മന്ത്രി തലത്തിലുള്ള ഉപസമിതി ബസ് ചാര്ജ്ജ് വര്ദ്ധിപ്പിക്കുന്നതുമായി ബന്ധപ്പെട്ട് ബസ് ഉടമകളുമായി നടത്തിയ ചര്ച്ചയില് ആണ് ആര്യാടന് 15 ദിവസത്തെ സാവകാശം ആവശ്യപ്പെട്ടത്. തിരുവനന്തപുരത്തായിരുന്നു ചര്ച്ച.
ആദ്യം 30 ദിവസത്തെ സാവകാശം ആണ് സര്ക്കാര് ബസ് ഉടമകളോട് ആവശ്യപ്പെട്ടത്. എന്നാല് ഈ ആവശ്യം ബസ്സുടമകള് അംഗീകരിക്കാത്ത സാഹചര്യത്തില് ആണ് ഇത് 15 ദിവസമായി കുറച്ചത്.
എന്നാല് ബസ് ചാര്ജ്ജ വര്ദ്ധനയെ സംബന്ധിച്ച തീരുമാനം എടുക്കാന് 15 ദിവസത്തെ സാവകാശം ചോദിച്ചതില് പ്രതിഷേധിച്ച് സ്വകാര്യ ബസ്സുടമകള് സമരം നടത്താന് ഒരുങ്ങുകയാണ്. പണിമുടക്ക് നടത്തുന്ന തീയതി സംബന്ധിച്ച് തീരുമാനം ബുധനാഴ്ച അറിയിക്കും എന്നാണ് ബസ്സുടമകള് അറിയിച്ചിരിക്കുന്നത്.