നിരീക്ഷകരെത്തും മുമ്പേ ഡാമില് അറ്റകുറ്റപ്പണി
പെരിയാര് കടുവാസങ്കേതത്തില്പ്പെട്ട വള്ളക്കടവ് മുല്ലപ്പെരിയാര് റോഡ് നവീകരണം, ബേബിഡാമിന്റെ മുകള്തട്ടില് കോണ്ക്രീറ്റ് ചെയ്യല്, പ്രധാന അണക്കെട്ടിന്റെ സീപ്പേജ് ഹോളുകളിലെ തടസ്സങ്ങള് നീക്കല് തുടങ്ങിയ ജോലികളാണ് പുരോഗമിക്കുന്നത്. കാലാവസ്ഥ അനൂകൂലമായാല് അഞ്ചുദിവസംകൊണ്ട് പണിപൂര്ത്തിയാക്കാനാണ് തമിഴ്നാടിന്റെ ശ്രമം. പെരിയാര് കടുവാസങ്കേതത്തിലൂടെയുള്ള റോഡിന്റെ നവീകരണത്തിന് തമിഴ്നാടിന് കേന്ദ്രവനംപരിസ്ഥിതി മന്ത്രാലയത്തിന്റെ അനുമതി ലഭിക്കേണ്ടതുണ്ട്.
നിരീക്ഷക സംഘം എത്തുന്നതിന് മുന്പ് തന്നെ അറ്റകുറ്റപ്പണികള് ആരംഭിച്ചതില് അപാകതയൊന്നുമില്ലെന്ന് സംഘാഗംങ്ങള് മാധ്യമപ്രവര്ത്തകരോട് പറഞ്ഞു. അറ്റകുറ്റപ്പണികള് പൂര്ത്തിയാക്കുന്നതുവരെ നിരീക്ഷകസംഘം മുല്ലപ്പെരിയാറിലുണ്ടാകും.
കേന്ദ്രജലകമ്മിഷന് ഡാം സുരക്ഷാവിഭാഗം ഡയറക്ടര് എല്.കെ.തനേജ, കേരളാജലവിഭവവകുപ്പ് സൂപ്രണ്ടിങ് എന്ജിനീയര് ജോര്ജ് ജോസഫ്, തമിഴ്നാട് പൊതുമരാമത്ത് വകുപ്പ് സൂപ്രണ്ടിങ് എന്ജിനീയര് മോഹനസുന്ദരം എന്നിവരാണ് സംഘത്തിലുള്ളത്. തേക്കടിയിലെ തമിഴ്നാട് പൊതുമരാമത്തുവകുപ്പിന്റെ ഇന്സ്പെക്ഷന് ബംഗ്ലാവില് വച്ച് നടത്തിയ ചര്ച്ചയ്ക്ക് ശേഷമാണ് നിരീക്ഷക സംഘം അണക്കെട്ട് സന്ദര്ശിച്ചത്.
Click it and Unblock the Notifications
Sign in with Google