കെ ജോസ് സിറിയക് പുതിയ ചീഫ് സെക്രട്ടറി
ചാഫ് സെക്രട്ടറി സ്ഥാനം ഒഴിഞ്ഞാലും കെ ജയകുമാര് ശബരിമല സ്പെഷ്യല് ഓഫീസര് സ്ഥാനത്ത് തുടരും. വ്യാഴാഴ്ച ചേര്ന്ന ക്യാബിനറ്റ് യോഗമാണ് പുതിയ ചീഫ് സെക്രട്ടറിയെ നിയമിക്കുന്നത് സംബന്ധിച്ച് തീരുമാനം എടുത്തിരിക്കുന്നത്.
ഇപ്പോഴത്തെ ചീഫ് സെക്രട്ടറി കെ ജയകുമാര് ആ മാസം വിരമിക്കുന്ന സാഹചര്യത്തില് ആണ് ക്യാബിനറ്റ് തീരുമാനം.
1977ലെ ഐഎഎസ് ബാച്ചുകാരനാണ് ജോസ് സിറിയക്. ഡല്ഹി സര്വ്വകലാശാലയില് നിന്നും ഫിസിക്സില് ബിരുദാനന്തര ബിരുദവും ബ്രിട്ടനില് നിന്നും കോര്പറേറ്റ് ഫിനാന്സില് ഉന്നത് യോഗ്യതയും കതസ്ഥമാക്കിയിട്ടുണ്ട്.
ജോസ് സിറിയക് നേരത്തെ ടൂറിസം വകുപ്പിലും, സിവില്ഡ സപ്ലൈസിലും, മൃഗസംരക്ഷണ വകുപ്പിലും, കേരള ഫിനാന്ഷ്യല് കോര്പറേഷനിലും ഉയര്ന്ന പദവികള് അലങ്കരിച്ചിട്ടുണ്ട്. ധനകാര്യ വിഭാഗത്തില് അഡീഷണല് ചീഫ് സെക്രട്ടറിയായി പ്രവര്ത്തിച്ച അനുഭവ സമ്പത്തും അദ്ദേഹത്തിന് കൈമുതലായുണ്ട്.
വിവിധ കേന്ദ്ര സര്ക്കാര് വകുപ്പുകളിലും അദ്ദേഹം ഉന്നത പദവികളിലിരുന്നിട്ടുണ്ട്. നിലവില് കേന്ദ്ര കെമിക്കല് ഫെര്ട്ടിലൈസേഴ്സ്, പെട്രോ കെമിക്കല് സെക്രട്ടറിയാണ് ജോസ് സിറിയക്.