മധ്യസ്ഥചര്ച്ച പാളി; വിളപ്പില്ശാല പൂട്ടിയേക്കും
മാലിന്യപ്രശ്നത്തിന്റെ പേരിലുള്ള സമരം അവസാനിപ്പിയ്ക്കുന്നതിന് കവയിത്രി സുഗതകുമാരി സമരക്കാരുമായി നടത്തിയ മധ്യസ്ഥ ചര്ച്ച പരാജയപ്പെട്ടിരുന്നു. ഇതേതുടര്ന്നാണ് പ്ലാന്റ് പ്രവര്ത്തിപ്പിയ്ക്കാനാവില്ലെന്ന് കോടതിയെ അറിയിക്കാന് സര്ക്കാര് ഒരുങ്ങുന്നത്.
ഫാക്ടറി തുറന്നു പ്രവര്ത്തിക്കാന് അനുവദിക്കില്ലെന്ന മുന്നറിയിപ്പുമായി വിളപ്പില് പഞ്ചായത്ത് പ്രസിഡന്റ് ശോഭന കുമാരി മരണം വരെ ഉപവാസവും വിളപ്പില് പഞ്ചായത്ത് ഒന്നടങ്കം അനിശ്ചിത കാല ഹര്ത്താല് തുടങ്ങുകയും ചെയ്ത സാഹചര്യത്തിലാണ് സര്ക്കാര് നിലപാട് വ്യക്തമാക്കിയിരിക്കുന്നത്.
നേരത്തെ മന്ത്രി മഞ്ഞളാംകുഴി അലിയുമായുള്ള ചര്ച്ചയ്ക്ക് ശേഷമാണ് സുഗതകുമാരിയുടെ നേതൃത്വത്തില് ഗാന്ധിയന് പി. ഗോപിനാഥന്നായരും, പ്ലാച്ചിമട അജയനും അടങ്ങുന്ന പരിസ്ഥിതി പ്രവര്ത്തകരുടെ സംഘം നാലു മണിയോടെ വിളപ്പില്ശാലയിലെ സമരപ്പന്തലില് മദ്ധ്യസ്ഥതയ്ക്കായി എത്തിയത്. മാലിന്യവണ്ടികള് വിളപ്പില്ശാലയിലേക്ക് കൊണ്ടുവരില്ലെന്നും അവിടേക്ക് കൊണ്ടുവന്ന മലിനജല സംസ്കരണ പ്ളാന്റ് പ്രവര്ത്തിപ്പിക്കില്ലെന്നും സര്ക്കാര് ഉറപ്പു നല്കിയതായി സുഗതകുമാരി സമരക്കാരെ അറിയിച്ചു.
സുഗതകുമാരിയുടെ ഈ വാക്കുകളെ ഹര്ഷാരവത്തോടെയാണ് സമരക്കാര് സ്വീകരിച്ചത്. സര്ക്കാര് ഉറപ്പ് ലംഘിച്ചാല് താനും കോണ്ഗ്രസ് നേതാവ് വി.എം.സുധീരനും അടക്കമുള്ളവര് സമരത്തില് പങ്കുചേരുമെന്നും കവയിത്രി അറിയിച്ചു.
സര്ക്കാര് ഉറപ്പു നല്കിയ സാഹചര്യത്തില് വിളപ്പില് പഞ്ചായത്ത് പ്രസിഡന്റ് ശോഭനകുമാരി നടത്തുന്ന നിരാഹാര സമരം പിന്വലിക്കണമെന്ന് സുഗതകുമാരി ആവശ്യപ്പെട്ടു. എന്നാല് ഉറപ്പ് സര്ക്കാര് ഉത്തരവായി പുറത്തിറക്കാതെ സമരത്തില് നിന്ന് പിന്മാറില്ലെന്ന് സംയുക്ത സമരസമിതി വ്യക്തമാക്കി. കോടതിയലക്ഷ്യം ആകുമെന്നതിനാല് നേരിട്ട് വന്ന് നിലപാട് അറിയിക്കാന് പരിമിതികളുണ്ടെന്നും മന്ത്രി ഫോണില് സമരക്കാരോട് സംസാരിക്കുമെന്നും സുഗതകുമാരി പറഞ്ഞെങ്കിലും ഇത് സമരക്കാര്ക്ക് സ്വീകാര്യമായില്ല.
ഹൈക്കോടതി വിധിയുള്ളതിനാല് സര്ക്കാരിന് പരസ്യമായി ഒന്നും ചെയ്യാനാകില്ലെന്നു പരിസ്ഥിതി പ്രവര്ത്തകര് അറിയിച്ചു. മന്ത്രി സമരക്കാരുമായി ഫോണില് സംസാരിക്കുമെന്ന് അറിയിച്ചെങ്കിലും നേരിട്ടുവന്നാല് മാത്രമെ ചര്ച്ചയ്ക്കു തയ്യാറാകൂ എന്നു സമരക്കാര് നിലപാടെടുത്തു. മുഖ്യമന്ത്രിയുമായും മന്ത്രി മഞ്ഞളാംകുഴി അലിയുമായും ചര്ച്ചയ്ക്കു തയാറാകണമെന്ന ആവശ്യവും സമരസമിതി അംഗീകരിച്ചില്ല.
തിങ്കളാഴ്ച രാത്രി തിരുവനന്തപുരം മേയര് കെ. ചന്ദ്രിക, സുഗത കുമാരി എന്നിവര് എകെജി സെന്ററിലെത്തി സിപിഎം സംസ്ഥാന സെക്രട്ടറി പിണറായി വിജയനുമായി ചര്ച്ച നടത്തി. പകരം സംവിധാനം ഒരുക്കിയാല് വിളപ്പില്ശാലയില് മാലിന്യപ്ലാന്റ് തുടര്ന്നു പ്രവര്ത്തിപ്പിക്കണമെന്ന് നഗരസഭയ്ക്കു നിര്ബന്ധമില്ലെന്നു മേയര് അറിയിച്ചു. സര്ക്കാര് 19നു കോടതിയില് നിലപാട് അറിയിക്കുന്നതു വരെ സമരവും ഹര്ത്താലും തുടരാനാണ് സമരസമിതിയുടെ തീരുമാനം.
അതിനിടെ മാലിന്യപ്രശ്നങ്ങള് ചര്ച്ച ചെയ്യാന് ചൊവ്വാഴ്ച പ്രത്യേക മന്ത്രിസഭായോഗം േചരും വിളപ്പില്ശാലയിലെ പ്രശ്നം രൂക്ഷമായ സാഹചര്യത്തിലാണിത്. ചൊവ്വാഴ്ച സര്വകക്ഷിയോഗവും ചേരുന്നുണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google