Click it and Unblock the Notifications
Just In
Don't Miss
-
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മലാല:ആക്രമിച്ചത് വിശുദ്ധയുദ്ധത്തെ എതിര്‍ത്തതിനാല്‍
മുജാഹിദീനെയും വിശുദ്ധ യുദ്ധത്തെയും എതിര്‍ത്തതിനാലാണ് മനുഷ്യാവകാശ പ്രവര്‍ത്തക മലാല യൂസഫിനെ ആക്രമിച്ചതെന്ന് താലിബാന്‍ അറിയിച്ചു.
വിദ്യാഭ്യാസത്തിന് വേണ്ടി ശബ്ദമുയര്‍ത്തിയതിനാലല്ല മലാലയെ ആക്രമിച്ചത്. മലാല പടിഞ്ഞാറന്‍ രാജ്യങ്ങള്‍ക്കുവേണ്ടി ചാരപ്രവര്‍ത്തി ചെയ്യുകയായിരുന്നുവെന്ന് താലിബാന്‍ ആരോപിച്ചു. ഇസ്ലാമിന്റെ ശത്രുക്കളെ മഹത്വവത്കരിക്കാന്‍ അവര്‍ ശ്രമം നടത്തി. വിശുദ്ധയുദ്ധത്തിനെതിരെ പ്രചാരണം നടത്തി താലിബാനെ അപകീര്‍ത്തിപ്പെടുത്താനായിരുന്നു മലാല ശ്രമിച്ചത്. ഇസ്ലമിനെതിരെ പ്രവര്‍ത്തിക്കുന്നവരെ കൊല്ലണമെന്നാണ് ഇസ്ലാമിക നിയമം പറയുന്നതെന്നും താലിബാന്‍ പ്രസ്താവനയില്‍ വ്യക്തമാക്കി.
അതേസമയം ആക്രമണത്തിനെതിരെ ലോകമെങ്ങും പ്രതിഷേധം ഉയരുകയാണ്. താലിബാന്‍ തീവ്രവാദികളുടെ വെടിയേറ്റ മലാല ബ്രിട്ടനിലെ നാഷനല്‍ ഹെല്‍ത്ത് സര്‍വീസ് ആശുപത്രിയില്‍ ചികിത്സയില്‍ കഴിയുകയാണ്. പെഷര്‍വാറിലെ ആശുപത്രിയില്‍ വെച്ച് ശസ്ത്രക്രിയയിലൂടെ മലാലയുടെ തലച്ചോറില്‍ നിന്നും വെടിയുണ്ടകള്‍ പുറത്തെടുത്തിരുന്നു. തുടര്‍ന്ന് വിദഗ്ധ ചികിത്സയ്ക്കായി മലാലയെ ബ്രിട്ടനിലേയ്ക്ക് മാറ്റുകയായിരുന്നു.
സ്വാത് താഴ്‌വരയിലെ താലിബാന്‍ തീവ്രവാദികളുടെ കീഴിലുള്ളവരുടെ ജീവിതത്തെക്കുറിച്ചും ഇവര്‍ക്ക് വിദ്യാഭ്യാസം നിഷേധിച്ചതിനെക്കുറിച്ചും മലാല ഡയറി എഴുതിയിരുന്നു. ഇത് 2009ല്‍ ബി.ബി.സി. പ്രസിദ്ധീകരിച്ചതോടെയാണ് പെണ്‍കുട്ടി അന്താരാഷ്ട്ര ശ്രദ്ധനേടിയത്. തീവ്രവാദികളുടെ ആക്രമണത്തില്‍ മലാലയ്ക്ക് ഒപ്പമുണ്ടായിരുന്ന രണ്ട് പെണ്‍കുട്ടികള്‍ക്കും വെടിയേറ്റിരുന്നു.
