മറഡോണ: കണ്ണൂരില് വന് സുരക്ഷാക്രമീകരണങ്ങള്
പരിപാടി നടക്കുന്ന സ്റ്റേഡിയത്തിലേയ്ക്ക് സൗജന്യ പ്രവേശനമാണ് ഒരുക്കിയിരിക്കുന്നതെങ്കിലും കര്ശന പരിശോധനയ്ക്ക് മാത്രമേ അകത്തു കയറാനാകൂ. നഗരത്തിലെ ഹോട്ടലുകളിലെ താമസക്കാരുടെ വിവരങ്ങളും പൊലീസ് ശേഖരിച്ച് കഴിഞ്ഞു.
കണ്ണൂരിലും പരിസര പട്ടണങ്ങളിലുമുള്ള ഹോട്ടലുകളും ലോഡ്ജുകളും മറഡോണയെ കാണാനെത്തുന്നവര് ബുക്കു ചെയ്തുകഴിഞ്ഞു. കണ്ണൂരിലെ ബന്ധുവീടുകളിലും ഫുട്ബോള് ആരാധകര് നിറഞ്ഞുതുടങ്ങി. കണ്ണൂര് ഇതുവരെ കണ്ടതില് ഏറ്റവും വലിയ ജനക്കൂട്ടമാകും 24ന് എത്തുക. ഒരു ലക്ഷം പേരെയാണ് സംഘടാകര് പ്രതീക്ഷിക്കുന്നതെങ്കിലും ഇതിന്റെ ഇരട്ടിയിലേറെ ആളുകള് മറഡോണയെക്കാണാനെത്തുമെന്ന് ഉറപ്പാണ്.
സ്വകാര്യ ചടങ്ങിനെത്തുന്നതെങ്കിലും കേരളം മറഡോണയുടെ വരവിനെ ആഘോഷമാക്കി മാറ്റിയിരിക്കുകയാണ്. മറഡോണയെ വരവേല്ക്കുന്നതിന് മുന്നോടിയായി നഗരത്തില് കണ്ണെത്താവുന്ന ഇടങ്ങളിലെല്ലാം ലോകതാരത്തിന് സ്വാഗതവും പിറന്നാള് ആശംസകളും അര്പ്പിച്ച് കൊണ്ടുള്ള ബോര്ഡുകളും ബാനറുകളും ഉയര്ന്നിട്ടുണ്ട്
ചൊവ്വാഴ്ച പുലര്ച്ചെയാണ് മറഡോണ നെടുമ്പാശ്ശേരിയില് എത്തിയത്. അവിടെ നിന്ന് പ്രത്യേക ഹെലികോപ്റ്ററില് 8.35ഓടെ കണ്ണൂരിലെത്തുകയായിരുന്നു.
Click it and Unblock the Notifications
Sign in with Google