ഹാസ്യനടന് ജസ്പാല് ഭട്ടി വാഹനാപകടത്തില് മരിച്ചു
ടെലിവിഷന് ഷോകളിലൂടെയും ഹിന്ദി ചിത്രങ്ങളിലൂടെയും പ്രശസ്തനായ ഭട്ടിയുടെ പുതിയ ചിത്രമായ പവര്കട്ട് വെള്ളിയാഴ്ച റിലീസ് ചെയ്യാനിരിക്കെയാണ് അപകടമുണ്ടായത്. ഭട്ടി തന്നെയാണ് ചിത്രത്തിന്റെ നിര്മ്മാതാവും സംവിധായകനും. ചിത്രത്തിന്റെ പ്രചാരണത്തിനായി ഭട്ടി നാല്പ്പത് ദിവസം നീക്കി വച്ചിരിക്കുകയായിരുന്നു. വ്യാഴാഴ്ച ജലന്ധറില് നടക്കേണ്ടിയിരുന്ന വാര്ത്താസമ്മേളനത്തോടെ പ്രചാരണ പരിപാടി അവസാനിക്കുമായിരുന്നു. ഭട്ടിയുടെ പുത്രനായ ജസ് രാജിന്റെ ആദ്യ ചിത്രം കൂടിയായിരുന്നു ഇത്.
'ഉള്ട്ട പുള്ട്ട', 'ഫ്ലോപ്പ് ഷോ' എന്നീ ടി.വി ഷോകള് ഭട്ടിയെ പ്രേക്ഷകര്ക്ക് പ്രിയങ്കരനാക്കി. അമീര് ഖാനും കജോളും പ്രധാന വേഷങ്ങളിലെത്തിയ 'ഫനാ' എന്ന ചിത്രത്തില് ഭട്ടി ഒരു ഗാര്ഡിന്റെ വേഷം കൈകാര്യം ചെയ്തിരുന്നു. ജസ്രാജിന് പുറമേ ഭട്ടിയ്ക്ക് ഒരു മകള് കൂടിയുണ്ട്. സവിതയാണ് ഭാര്യ.
Click it and Unblock the Notifications
Sign in with Google