മൂന്ന് കേന്ദ്രമന്ത്രിമാര് കൂടി രാജിവച്ചു
കല്ക്കരിപ്പാട വിവാദമാണ് സുബോധ് കാന്തിന്റെ കസേര തെറിപ്പിച്ചത്. തന്റെ സഹോദരന് ഡയറക്ടറായ കമ്പനിയ്ക്ക് കല്ക്കരിപ്പാടം അനുവദിച്ചതാണ് സുബോധിന് വിനയായത്.
പ്രധാനമന്ത്രി മന്മോഹന്സിങ്ങുമായി കൂടിക്കാഴ്ച നടത്തിയ ശേഷമായിരുന്നു രാജി. അച്ചടക്കമുള്ള പാര്ട്ടി പ്രവര്ത്തകരായി തുടരുമെന്ന് മന്ത്രിമാര് പ്രതികരിച്ചു. വെള്ളിയാഴ്ച വിദേശകാര്യമന്ത്രി എസ്.എം കൃഷ്ണയും രാജിസമര്പ്പിച്ചിരുന്നു.
അതേസമയം ഞായറാഴ്ച നടക്കുന്ന കേന്ദ്ര മന്ത്രിസഭാ പുന:സംഘടനയില് മാവേലിക്കര എം.പി കൊടുക്കുന്നില് സുരേഷ് കേന്ദ്ര സഹമന്ത്രിയാകും. സത്യപ്രതിജ്ഞയ്ക്ക് തയ്യാറാകാന് കൊടിക്കുന്നിലിനോട് പ്രധാനമന്ത്രി മന്മോഹന് സിംഗ് നിര്ദ്ദേശിച്ചു. ടൂറിസം, റെയില്വേ, ഉപരിതലഗതാഗതം എന്നീ വകുപ്പുകളില് ഏതെങ്കിലും ഒന്നിന്റെ സഹമന്ത്രിസ്ഥാനം കൊടിക്കുന്നിലിന് ലഭിക്കുമെന്നാണ് സൂചന. കേന്ദ്ര മന്ത്രിസഭയില് കേരളത്തില് നിന്ന് ഇതുവരെ ദളിത് പ്രാതിനിധ്യം ഉണ്ടായിട്ടില്ലെന്നതും അഞ്ചു തവണ വിജയിച്ച സീനിയര് ലോക്സഭാംഗം എന്നതുമാണ് കൊടിക്കുന്നിലിന് അനുകൂലമായ ഘടകങ്ങള്.