കത്ത് വിവാദം: ടോം ജോസ് വിശദീകരണം നല്കിയില്ല
സെപ്റ്റംബര് 26നാണ് ഡി.എം.ആര്.സിയില് തീരുമാനം എടുക്കാന് ഇ ശ്രീധരനെ ആരാണ് ചുമതലപ്പെടുത്തിയതെന്ന് ചോദിക്കുന്ന കത്ത് ടോം ജോസ് സുധീര്കൃഷ്ണയ്ക്ക് അയച്ചത്. കൊച്ചി മെട്രോ റെയില് എംഡി സ്ഥാനം രാജിവച്ച ശേഷമാണ് ടോം ജോസ് ഇത്തരമൊരു കത്ത് അയച്ചത്.
കത്ത് പുറത്തു വരികയും വന് വിവാദമാവുകയും ചെയ്ത സാഹചര്യത്തില് ടോം ജോസിനോടു വിശദീകരണം തേടാന് മന്ത്രിസഭായോഗം തീരുമാനിക്കുകയും ഇതിന്റെ ചുമതല ചീഫ് സെക്രട്ടറി കെ. ജയകുമാറിന് കൈമാറുകയുമായിരുന്നു. മന്ത്രിസഭാ തീരുമാനം അറിയിച്ച് ചീഫ് സെക്രട്ടറി ടോം ജോസിനു കത്തയച്ചെങ്കിലും വിശദീകരണം ലഭിച്ചിട്ടില്ല.
കെ.ജയകുമാര് ഈ മാസം 31ന് ചീഫ് സെക്രട്ടറി സ്ഥാനമൊഴിയുമെന്നിരിക്കേ ടോം ജോസ് പുതിയ ചീഫ് സെക്രട്ടറിയ്ക്ക് മുന്പാകെ വിശദീകരണം നല്കാനാണ് സാധ്യത.
Click it and Unblock the Notifications
Sign in with Google