കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പെണ്‍വാണിഭം: യൂത്ത് കോണ്‍ നേതാവ് പിടിയില്‍

  • By Ajith Babu
Google Oneindia Malayalam News

കോഴിക്കോട്: നഗരത്തിലെ അപ്പാര്‍ട്ട്‌മെന്റ് കേന്ദ്രീകരിച്ച് പെണ്‍വാണിഭം നടത്തിയ സംഭവവുമായി ബന്ധപ്പെട്ട് രാഷ്ട്രീയ നേതാവുള്‍പ്പെടെ മൂന്നു പേര്‍കൂടി അറസ്റ്റില്‍. യൂത്ത് കോണ്‍ഗ്രസ് കക്കോടി മണ്ഡലം പ്രസിഡന്റ് കിഴക്കുംമുറി മുണ്ടൂര്‍ പ്രജീഷ്(36), പാറോപ്പടി പൊക്കുന്ന് കച്ചേരിക്കുന്ന് അസ്മാബി (39), കൂരാച്ചുണ്ട് സ്വദേശിനി ഷൈനി (സിന്ധു35) എന്നിവരെയാണ് മെഡിക്കല്‍ കോളെജ് സിഐ പ്രേംജിത്തും സംഘവും അറസ്റ്റ് ചെയ്തത്.

പ്രായപൂര്‍ത്തിയാകാത്ത പെണ്‍കുട്ടിയെ മാനഭംഗപ്പെടുത്തിയതിനാണ് യൂത്ത് കോണ്‍ഗ്രസ് നേതാവ് അറസ്റ്റിലാകുന്നത്. പ്രായപൂര്‍ത്തിയാകാത്ത മകളെ പെണ്‍വാണിഭത്തിന് ഉപയോഗിച്ചതിനാണ് അസ്മാബി അറസ്റ്റിലായത്. പെണ്‍വാണിഭക്കേസില്‍ ഇതോടെ അറസ്റ്റിലായവരുടെ എണ്ണം ഒന്‍പതായി.

അറസ്റ്റിലായ പെണ്‍വാണിഭ സംഘം നടത്തിപ്പുകാരിയായ റീന ജോസഫിന്റെ പതിനാറുകാരിയായ മകളെയും അസ്മാബിയുടെ പ്രായപൂര്‍ത്തിയാകാത്ത മകളെയും പൊലീസ് വൈദ്യപരിശോധനയ്ക്കു ശേഷം കോഴിക്കോട് ജുവനൈല്‍ ഹോമിലേക്ക് മാറ്റി. അരയിടത്ത്പാലത്തെ അപ്പാര്‍ട്ട്‌മെന്റ് കേന്ദ്രമാക്കിയായിരുന്നു സംഘം പെണ്‍വാണിഭം നടത്തിയിരുന്നത്.

മൈസൂര്‍, ബാംഗ്‌ളൂര്‍, മലപ്പുറം, കണ്ണൂര്‍, എറണാകുളം, ആലപ്പുഴ, പാലക്കാട് എന്നീ ജില്ലകളില്‍ കേസന്വേഷണം വ്യാപിപ്പിക്കാന്‍ തീരുമാനിച്ചിട്ടുണ്ട്. കണ്ണൂര്‍ റേയിഞ്ച് ഐ.ജി ജോസ് ജോര്‍ജ്ജ് കഴിഞ്ഞ ദിവസം മെഡിക്കല്‍ കോളേജ് സ്‌റ്റേഷനില്‍ എത്തി അന്വേഷണ ഉദ്യോഗസ്ഥര്‍ക്ക് നിര്‍ദ്ദേശം നല്‍കിയിരുന്നു. സിറ്റി ഡെപ്യൂട്ടി കമ്മിഷണര്‍ കെ.ബി വേണുഗോപാല്‍, നോര്‍ത്ത് അസിസ്റ്റന്റ് കമ്മിഷണര്‍ പ്രിന്‍സ് അബ്രഹാം, മെഡിക്കല്‍ കോളേജ് സി.ഐ എം.പി പ്രേംദാസ് എന്നിവരാണ് കേസന്വേഷണത്തിന് നേതൃത്വം നല്‍കുന്നത്.

English summary
Kozhikode police arrested three persons, including a youth congress leader, for indulging in flesh trade and remanded them, on Sunday
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X