ഗ്വാട്ടിമലയില് ഭൂചലനം, 48 മരണം
1976നു ശേഷം മധ്യ അമേരിക്കന് മേഖലയിലുണ്ടാകുന്ന ഏറ്റവും ശക്തമായ കമ്പനമാണിത്. 36 വര്ഷം മുമ്പുണ്ടായ പ്രകൃതി ദുരന്തത്തില് 20000ഓളം പേര്ക്ക് ജീവന് നഷ്ടപ്പെട്ടിരുന്നു.
നിരവധി പേര് ഇപ്പോഴും കെട്ടിടാവശിഷ്ടങ്ങള്ക്കിടയില് കുടുങ്ങി കിടക്കുകയാണ്. മെക്സിക്കോ സിറ്റിയോട് തൊട്ടടുത്ത് കിടക്കുന്ന ഈ പര്വതമേഖലയില് രക്ഷാപ്രവര്ത്തനം ഏറെ ദുഷ്കരമാണെന്ന് വാര്ത്താ ഏജന്സികള് റിപ്പോര്ട്ട് ചെയ്തു.
ഭൂചലനം ഉണ്ടായ ഉടന് തന്നെ 100 മൈല് അകലെയുള്ള ഗ്വാട്ടിമല നഗരത്തിലെ ഓഫിസുകളും കെട്ടിടങ്ങലും ഒഴിപ്പിച്ചിരുന്നു. അമേരിക്കന് ജിയോളജിക്കല് സര്വെ നല്കുന്ന വിവരമനുസരിച്ച് ഭൗമോപരിതലത്തില് നിന്നും 26 മൈല് താഴെയാണ് പ്രഭവകേന്ദ്രം.
ഇരുനൂറിലേറെ പേരെ കാണാതായിട്ടുണ്ട്. അഞ്ഞൂറോളം വീടുകള് ഭാഗികമായോ പരിപൂര്ണമായോ തകര്ന്നിട്ടുണ്ട്. പരിക്കേറ്റ നൂറുകണക്കിന് പേര് ചികിത്സയിലാണ്. വൈദ്യുതി ബന്ധം പരിപൂര്ണമായി വിച്ഛേദിക്കപ്പെട്ടത് രക്ഷാപ്രവര്ത്തനം തടസ്സപ്പെടുത്തുന്നുണ്ട്. ചിലയിടങ്ങളിലുണ്ടായ മണ്ണിടിച്ചിലും ഏറെ നാശനഷ്ടങ്ങളുണ്ടാക്കി-പ്രസിഡന്റ് ഓട്ടോ പെരസ് മൊളീന പറഞ്ഞു.