പടക്കനിര്മ്മാണശാലയില് സ്ഫോടനം:8 മരണം
ലക്നൗ: ലക്നൗവിന് അടുത്തുള്ള ഔറയിലെ പടക്ക നിര്മ്മാണശാലയില് ഉണ്ടായ സ്ഫോടനത്തില് 4 കുട്ടികള് ഉള്പ്പെടെ 8 പേര് മരിച്ചു. അപകടത്തില് 12 പേര്ക്ക് പരിക്കേറ്റിട്ടുണ്ട്. ദീപാവലി ആഘോഷങ്ങള്ക്കിടെയാണ് സ്ഫോടനം നടന്നത്.
മരിച്ച 8 പേരില് 6 പേര് ഒരൊറ്റ കുടുംബത്തിലെ അംഗങ്ങളാണ്. ഒരു വീടിനോട് ചേര്ന്ന് പ്രവര്ത്തിച്ചിരുന്ന അനധികൃത കെട്ടിടത്തിലാണ് ഈ പടക്ക നിര്മ്മാണശാല പ്രവര്ത്തിക്കുന്നത്.
സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്. ലൈസന്സില്ലാതെ ആണ് ഈ പടക്ക നിര്മ്മാണശാല പ്രവര്ത്തിച്ചിരുന്നത് എന്നാണ് റിപ്പോര്ട്ട്. ഇപ്രാവശ്യത്തെ ദീപാവലി ആഘോഷങ്ങള്ക്കായുള്ള പടക്കങ്ങളും മറ്റും ആണ് ഇവിടെ നിര്മ്മിച്ചുകൊണ്ടിരുന്നത്.
സ്ഫോടനത്തില് പരിക്കേറ്റവരില് എട്ട് പേരുടെ നില അതീവ ഗുരുതരമാണ് എന്നാണ് റിപ്പോര്ട്ട്. ഗുരുതരമായി പരിക്കേറ്റവരെ കാണ്പൂരിലെ ആശുപത്രിയില് പ്രവേശിപ്പിച്ചിരിക്കുകയാണ്.
സ്ഫോടനത്തിന്റെ ആഘാതത്തില് പടക്ക നിര്മ്മാണശാലയുടെ അടുത്തുണ്ടായിരുന്ന നിരവധി വീടുകള് അഗ്നിക്കിരയായി.
യഥാര്ത്ഥത്തില് പടക്ക നിര്മ്മാണശാലയുടെ ഉടമസ്ഥന് പടക്കം ഉണ്ടാക്കാനുള്ള ലൈസന്സ് ഉണ്ട്. എന്നാല് ലൈസന്സുള്ള കെട്ടിടത്തില് നിന്നും അകലെ വേറൊരു കെട്ടിടത്തിലും പടക്കം ഉണ്ടാക്കുകയായിരുന്നു. ദീപാവലിയുടെ തിരക്ക് കണക്കിലെടുത്തായിരുന്നു ഇത്. ഈ കെട്ടിടത്തിലാണ് സ്ഫോടനം ഉണ്ടായിരിക്കുന്നത്.