ലോഡ്ഷെഡിങ് തുടരുമെന്ന് ആര്യാടന്
ഒരു മണിക്കൂര് ലോഡ്ഷെഡിങ് ഏര്പ്പെടുത്തിയിട്ടും വൈദ്യുതി ഉപഭോഗം കുറയുന്നില്ല. ഇന്വെര്ട്ടറുകളുടെ ഉപയോഗം മൂലമാണ് വൈദ്യുതി ഉപഭോഗം കുറയാത്തതെന്നും മന്ത്രി പറഞ്ഞു. അണക്കെട്ടുകളിലെ ജലനിരപ്പ് തൃപ്തികരമല്ല. സംസ്ഥാനത്തിന് ആവശ്യമുള്ള വൈദ്യുതിയുടെ 40 ശതമാനം മാത്രമാണ് ഉല്പാദിപ്പിക്കുന്നതെന്നും ആര്യാടന് പറഞ്ഞു.
രാവിലെ ആറിനും ഒമ്പതിനും ഇടയില് അര മണിക്കൂറും വൈകുന്നേരം ആറിനും രാത്രി 10നും ഇടയില് അര മണിക്കൂറുമായി ദിവസം ഒരു മണിക്കൂര് ലോഡ്ഷെഡിങ്ങാണ് ഇപ്പോള് ഉള്ളത്. രൂക്ഷമായ വൈദ്യുതി പ്രതിസന്ധി പരിഗണിച്ച് നവംബര് മാസം വരെ ലോഡ്ഷെഡിങ് ഏര്പ്പെടുത്താനാണ് റഗുലേറ്ററി കമ്മീഷന് അനുമതി നല്കിയിരുന്നത്.
വൈദ്യുതി ഉപഭോഗം കുറയ്ക്കാനായി സര്ചാര്ജ് ഏര്പ്പെടുത്തുന്നതടക്കമുള്ള നടപടികള് കെഎസ്ഇബി സ്വീകരിച്ചിരുന്നു. വൈദ്യുതി പ്രതിസന്ധി കണക്കിലെടുത്ത് ദീപാലങ്കാരങ്ങള് നിരോധിച്ചിരുന്നു. വ്യവസായങ്ങള്ക്കും കര്ശനമായ വൈദ്യുതി നിയന്ത്രണമേര്പ്പെടുത്തിയിരുന്നു.എല്ലാ ചെറുകിട വ്യവസായികളും വാണിജ്യ ഉപയോക്താക്കളും കൂടുതല് വൈദ്യുതി ഉപയോഗിക്കുന്ന ഗാര്ഹിക ഉപയോക്താക്കളും ഉപയോഗം പരമാവധി കുറയ്ക്കണമെന്നും നിര്ദേശം നല്കിയിരുന്നു
Click it and Unblock the Notifications
Sign in with Google