ഷി ജിന്പിങ് ചൈനയുടെ അമരക്കാരന്
ബുധനാഴ്ച സമാപിച്ച പാര്ട്ടി കോണ്ഗ്രസ് തെരഞ്ഞെടുത്ത 371 അംഗ കേന്ദ്രക്കമ്മിറ്റി വ്യാഴാഴ്ച യോഗം ചേര്ന്നാണ് അദ്ദേഹത്തെ തിരഞ്ഞെടുത്തത്. പതിറ്റാണ്ടിലൊരിയ്ക്കല് പുതിയ സഖാക്കളെ നേതൃത്വത്തിലേക്ക് ഉയര്ത്തുന്ന സിപിസിയുടെ കീഴ്വഴക്കമനുസരിച്ച് പുതിയ നേതാക്കളാകും രാജ്യത്തെ ഇനി മുന്നോട്ടു നയിക്കുക.
പാര്ട്ടി ജനറല് സെക്രട്ടറിയായി തിരഞ്ഞെടുക്കപ്പെട്ടെങ്കിലും അടുത്ത വര്ഷം മാര്ച്ചിലായിരിക്കും ഹു ജിന്റാവോയുടെ പകരക്കാരനായി ഷി ചൈനീസ് പ്രസിഡന്റ് പദവി ഏല്ക്കുക.
പാര്ട്ടി കോണ്ഗ്രസ് 25 അംഗ പൊളിറ്റ് ബ്യൂറോയെയും തിരഞ്ഞെടുത്തു. പി ബി സ്റ്റാന്റിങ് കമ്മറ്റിയിലേക്ക് ലി കെഗ്യാങ്ങ്, ഷാങ് ഡിജാങ്, യു ഷെങ്ഷെങ്, ലിയു യുന്ഷാന്, വാങ് ഷ്വിഷാന്, ഷാവോങ് ഗാവ്ലി എന്നിവരും തിരഞ്ഞെടുക്കപ്പെട്ടു. നിലവിലുണ്ടായിരുന്ന ഒമ്പതംഗ പിബി സ്റ്റാന്റിംഗ് കമ്മിറ്റിയെ ഏഴാക്കി വെട്ടിച്ചുരുക്കിയിട്ടുണ്ട്.
അമ്പത്തൊമ്പതുകാരനായ ഷി മൗ സേ ദോങ്ങിനൊപ്പം കമ്യൂണിസ്റ്റ് പാര്ട്ടിയുടെ ആദ്യകാല നേതൃനിരയിലുണ്ടായിരുന്ന ഷി സോങ്ക്സണിന്റെ മകനാണ്. മുന് ഉപപ്രധാനമന്ത്രിയുമായിരുന്നു ഷി സോങ്ക്സണ്.
1979ല് സിങ്കുവ സര്വ്വകലാശാലയില് നിന്നും കെമിക്കല് എഞ്ചിനീയറിങില് ബിരുദം നേടിയശേഷം രാഷ്ട്രീയത്തില് സജീവമായി. 1982ല് ഷെങ്ഡിങിലെ ഹെബായിയില് പാര്ട്ടി ഡപ്യൂട്ടി സെക്രട്ടറിയായി. കെ ലിങ്ലിങ്ങായിരുന്നു ആദ്യഭാര്യ. അവരെ വേര്പിരിഞ്ഞശേഷം 1987ല് ഇപ്പോഴത്തെ ഭാര്യയായ പെങ് ലി യൂണിനെ വിവാഹം ചെയ്തു. അറിയപ്പെടുന്ന ഗായികയായ ലിയൂണിന് സൈന്യത്തില് മേജര് പദവിയുണ്ട്.
പുതിയ ചൈനയെ കെട്ടിപ്പെടുക്കുകയും ചൈനീസ് കമ്യൂണിസ്റ്റ് പാര്ട്ടിയെ ശക്തിപ്പെടുത്തുക എന്നതാണ് തന്റെ പ്രധാന ലക്ഷ്യമെന്നും ജിന്പെങ് പറഞ്ഞു. പാര്ട്ടി വെല്ലുവിളികള് നേരിടുന്നുണ്ട്. പാര്ട്ടിയില് അച്ചടക്കം കര്ശനമാക്കുമെന്നും ജിന്പിങ് വ്യക്തമാക്കി.