30 ബാര്‍ ലൈസന്‍സുകള്‍ കൂടി അനുവദിച്ചു

തിരുവനന്തപുരം: മദ്യത്തില്‍ നീന്തിത്തുടിയ്ക്കുന്ന മലയാളിയ്ക്ക് സന്തോഷമേകുന്നൊരു വാര്‍ത്ത. സംസ്ഥനത്ത് മുപ്പത് ഹോട്ടലുകള്‍ക്ക് കൂടി ബാര്‍ ലൈസന്‍സ് അനുവദിയ്ക്കാന്‍ തീരുമാനിച്ചതായി എക്‌സൈസ് മന്ത്രി കെ ബാബു അറിയിച്ചു. ഹൈക്കോടതി ഉത്തരവ് പ്രകാരമാണ് ഈ തീരുമാനമെന്നും മന്ത്രി വ്യക്തമാക്കിയിട്ടുണ്ട്.

ഹൈക്കോടതിയുടെ ഉത്തരവ് സുപ്രീംകോടതി സ്‌റ്റേ ചെയ്യാന്‍ വിസമ്മതിച്ച സാഹചര്യത്തില്‍ ലൈസന്‍സ് നല്‍കാതെ മറ്റു മാര്‍ഗമില്ല. ഉത്തരവ് അനുസരിക്കാതിരുന്നാല്‍ അത് കോടതിയലക്ഷ്യമാകുമെന്നാണ് സര്‍ക്കാരിന് ലഭിച്ച നിയമോപദേശം. ലൈസന്‍സ് നല്‍കിയ ശേഷം പ്രശ്‌നം പഠിക്കാന്‍ സമിതിയെ നിയോഗിക്കുമെന്നും മന്ത്രി അറിയിച്ചു.

എന്തായാലും മുപ്പത് ബാറുകള്‍ കൂടി വരുന്നതോടെ വരുന്നതോടെ മലയാളിയ്ക്ക് മദ്യം തേടി കൂടുതല്‍ അലയേണ്ടി വരില്ല.