അഞ്ചേരി ബേബി വധക്കേസ്: എം എം മണി അറസ്റ്റില്
മണിയുടെ അറസ്റ്റ് രാഷ്ട്രീയപ്രേരിതമാണെന്ന് ഇടുക്കി ജില്ലാ സെക്രട്ടറി കെകെ ജയചന്ദ്രന് ആരോപിച്ചു. ഇതിനെ രാഷ്ട്രീയമായും നിയമപരമായും നേരിടും. അറസ്റ്റ് ജനങ്ങള് അംഗീകരിക്കില്ല. അറസ്റ്റ് വാര്ത്ത പുറത്തുവന്ന ഉടന് തന്നെ ഇടുക്കി ജില്ലയില് സിപിഎം പ്രവര്ത്തകര് പ്രതിഷേധപരിപാടികളുമായി തെരുവിലിറങ്ങിയിട്ടുണ്ട്.
എല്ലാ നിയമനടപടികളും പാലിച്ചുകൊണ്ടാണ് മണിയെ അറസ്റ്റ് ചെയ്തതതെന്ന് ആഭ്യന്തരമന്ത്രി തിരുവഞ്ചൂര് വ്യക്തമാക്കി. അറസ്റ്റ് ചെയ്തതിനുശേഷം മണിയെ അജ്ഞാതകേന്ദ്രത്തിലേക്ക് നീക്കിയ പോലിസ് രാവിലെ നെടുങ്കണ്ടം പോലിസ് സ്റ്റേഷനില് ഹാജരാക്കുമെന്ന് സൂചന നല്കിയിട്ടുണ്ട്.
അഞ്ചേരി ബേബി വധക്കേസുമായി ബന്ധപ്പെട്ട് നുണപരിശോധനയ്ക്ക് വിധേയനാകാന് മണിക്ക് സമന്സ് അയച്ചിരുന്നു. പക്ഷേ, വിദഗ്ധോപദേശം അനുസരിച്ച് നുണപരിശോധനയ്ക്ക് തയ്യാറല്ലെന്ന മറുപടിയാണ് മണി നല്കിയത്. മെയ് 25ന് മണക്കാട് വെച്ച് നടത്തിയ വിവാദപ്രസംഗമാണ് അഞ്ചേരി വധക്കേസിന്റെ പുനരന്വേഷണം നടത്താന് പോലിസിനെ പ്രേരിപ്പിച്ചത്.
Click it and Unblock the Notifications
Sign in with Google