ബംഗ്ലാദേശ്: തുണിമില്ലില് തീപ്പിടുത്തം, 124 മരണം
രക്ഷാപ്രവര്ത്തകര് നൂറിലധികം മൃതദേഹങ്ങള് ഇതിനകം കണ്ടെടുത്തിട്ടുണ്ടെന്ന് ഫയര് ഡിപ്പാര്ട്ട്മെന്റ് ഡയറക്ടര് മേജര് മുഹമ്മദ് മഹബൂബ് അസോസിയേറ്റഡ് പ്രസ് വാര്ത്താഏജന്സിയെ അറിയിച്ചു. ആളിപ്പടരുന്ന തീയില് നിന്നു രക്ഷപ്പെടാന് താഴേക്ക് എടുത്തു ചാടിയ 12ഓളം പേരെ ഗുരുതരമായി പരിക്കുകളോടെ ആശുപത്രിയില് പ്രവേശിച്ചിരുന്നു. ഇവരില് ഭൂരിഭാഗം പേരും മരണത്തിന് കീഴടങ്ങിയതായി പോലിസ് സ്ഥിരീകരിച്ചു.
കെട്ടിടത്തിനു ചുറ്റും തടിച്ചുകൂടിയ ജനങ്ങളും ബന്ധുക്കളെയും നിയന്ത്രിക്കാന് പോലിസിന് ഏറെ പണിപ്പെടേണ്ടി വന്നു. രക്ഷാപ്രവര്ത്തനങ്ങള്ക്ക് സൈന്യത്തിന്റെയും അതിര്ത്തി രക്ഷാസേനയുടെയും സഹായം തേടിയിട്ടുണ്ട്. മരണസംഖ്യ ഇനിയും ഉയരാനാണ് സാധ്യത. ബംഗ്ലാദേശില് ഏകദേശം നാലായിരത്തോളം തുണിമില്ലുകളാണുള്ളത്. ഇതില് ഭൂരിഭാഗവും വേണ്ടത്ര സുരക്ഷാമുന്കരുതലുകള് സ്വീകരിക്കാതെ പ്രവര്ത്തിക്കുന്നവയാണ്. ഇത്തരത്തിലുള്ള അപകടങ്ങള് രാജ്യത്ത് സാധാരണമാണ്.
Click it and Unblock the Notifications
Sign in with Google