ശിവാജി പാര്‍ക്ക് ഇനി ശിവസേനയുടെ അയോധ്യ

മുംബൈ: ബാല്‍താക്കറെയെ സംസ്‌കരിച്ച ശിവാജി പാര്‍ക്ക് അയോധ്യ പോലെ പരിപാവനമാണെന്ന് ശിവസേന.

''ബാലെ സാഹബിന്റെ അന്ത്യകര്‍മത്തിനു വേദിയായ ശിവാജി പാര്‍ക്ക് അയോധ്യയ്ക്ക് സമാനമാണ്. ഈ ഭാഗത്തിന്റെ പരിശുദ്ധി കാത്തുസൂക്ഷിക്കേണ്ടതുണ്ട്. ഞങ്ങളെ സംബന്ധിച്ചിടത്തോളം ഈ പ്രദേശം ക്ഷേത്രസമാനമാണ്. സംസ്‌കാരചടങ്ങിനോടനുബന്ധിച്ച് അവിടെ കെട്ടിയുയര്‍ത്തിയ കമാനങ്ങളൊന്നും ഇനി അഴിച്ചുമാറ്റില്ല''-ശിവസേനാ നേതാവ് സഞ്ജയ് റൗത്ത് അറിയിച്ചു.

ഈ വിഷയത്തില്‍ കോടതിയോ സര്‍ക്കാറോ ഇടപെടരുതെന്നാണ് ഞങ്ങളുടെ ആഗ്രഹം. ഒരു സ്മാരകമമണ്ഡപമല്ല ഞങ്ങളുടെ ലക്ഷ്യം. ശിവാജില്‍ പാര്‍ക്കില്‍ തന്നെ ഈ ഓര്‍മ നിലനില്‍ക്കണമെന്നാണ് ഞങ്ങള്‍ ഉദ്ദ്യേശിക്കുന്നത്.

നവംബര്‍ 17നാണ് ശിവസേനാ നേതാവ് ബാല്‍താക്കറെ അന്തരിച്ചത്. വര്‍ഗ്ഗീയതയുടെയും പ്രാദേശിക വാദത്തിന്റെയും വക്താവായി അറിയപ്പെടുന്ന താക്കറയെ ഔദ്യോഗിക ബഹുമതികളോടെ സംസ്‌കരിച്ചത് തന്നെ വിവാദമായിരുന്നു. ബാബറി മസ്ജിദ് തകര്‍ന്നതിനെ തുടര്‍ന്ന് മുംബൈയിലുണ്ടായ കലാപത്തിന്റെ മുഖ്യ സൂത്രധാരന്‍ ബാല്‍ താക്കറെയായിരുന്നുവെന്ന് ശ്രീകൃഷ്ണ കമ്മീഷന്‍ കുറ്റപ്പെടുത്തിയിരുന്നു.

English summary

Shiv Sena today said the place where Sena supremo Bal Thackeray's last rites were conducted was similar to Ayodhya.