ലീഗിന് കള്ളനോട്ട് ബന്ധമെന്ന് ബിജെപി
സിപിഎമ്മിലെ ഔദ്യോഗികവിഭാഗവും ലീഗിലെ ഒരു വിഭാഗവും ചേര്ന്ന് പഴയ 'അടവ്നയം' വീണ്ടും പയറ്റാന് നീക്കം നടക്കുന്നതായും ഇരുചേരിയിലെയും പ്രമുഖന്മാരുടെ ബിസിനസ്സ് താല്പ്പര്യങ്ങളാണ് ഇതിനുപിന്നിലെന്നുമാണ് ബിജെപിയുടെ ആരോപണം. വിഎസ് അച്യുതാനന്ദനെ മുഖ്യമന്ത്രിയാക്കില്ലെന്ന് ഉറപ്പുകിട്ടിയാല് ഉമ്മന്ചാണ്ടി മന്ത്രിസഭയെ താഴെ ഇറക്കാന് ലീഗ് നേതൃത്വം തയ്യാറാകുമെന്നും അതിനുള്ള രാഷ്ട്രീയ ഗൂഡാലോചനകള് നടന്നുകഴിഞ്ഞതായും ബിജെപി നേതൃത്വം കരുതുന്നുണ്ട്.
ഐസ്ക്രീം പാര്ലര് പെണ്വാണിഭകേസ് ഒതുക്കി, ഇകെ നായനാര് മുഖ്യമന്ത്രിയായിരുന്ന കാലത്ത് കുഞ്ഞാലിക്കുട്ടിയെ രക്ഷിച്ചതോടെയാണ് അടവ്നയ ചര്ച്ചകളും നീക്കങ്ങളുമാരംഭിച്ചത്. സിപിഎമ്മിലെ ചില നേതാക്കളുടെ കടുംപിടുത്തം ഒന്നുകൊണ്ട് മാത്രമാണ് ആ നീക്കമന്ന് പാതിവഴിയില് ചീറ്റിപ്പോയത്. ആ തന്ത്രം ഇപ്പോള് പൊടിതട്ടി എടുക്കുന്നതിന് പിന്നിലുള്ള ഗൂഡ അജണ്ടകള് പൊതുസമൂഹത്തില് തെളിവുകള് സഹിതം അവതരിപ്പിക്കാനാണ് ബിജെപിയുടെ നീക്കം.
തിരഞ്ഞെടുപ്പ് പ്രവര്ത്തനഫണ്ട് സമയത്തും റിലീഫ് പ്രവര്ത്തനവേളകളിലുമാണ് കേരളത്തില് വ്യാപകമായി കള്ളനോട്ടുകള് ഇറങ്ങുന്നത്. ഒറിജനിലെ വെല്ലുന്ന വ്യാജന്, കൂട്ടികലര്ത്തിയാണ് ഇത് വിതരണം ചെയ്യുന്നതെന്നും കള്ളനോട്ടുമായി പല ലീഗുകാര് പിടിക്കപ്പെട്ടതും ഇങ്ങനെയാണെന്നും ബിജെപി ആരോപിക്കുന്നുണ്ട്. കേന്ദ്രമന്ത്രിസഭയില് പങ്കാളിത്തമുള്ള ഒരു പാര്ട്ടിയെ കുറിച്ച് ഇത്രയധികം ഗുരുതരമായ ആരോപണങ്ങള് ഉയര്ത്തുന്നത് വ്യക്തമായ തെളിവുകളുടെ പിന്ബലത്തോടെയാണെന്നും ബിജെപി നേതൃത്വം പറയുന്നുണ്ട്.
ഇത്തരം സംഭവവികാസങ്ങള് ഉയര്ത്തി പ്രക്ഷോഭങ്ങള് ആരംഭിച്ചാല് അത് കേരളീയ അന്തരീക്ഷത്തില് വന്കോളിളക്കള് സൃഷ്ടിക്കുമെന്നുറപ്പാണ്. ഇതിനു പുറമെ മുസ്ലീം ലീഗ് നേതാവും മുന് എംപിയുമായ അബ്ദുള്വഹാബ് കോഴിക്കോട് ദേശീയപാതയോരത്ത് സര്ക്കാര് ഭൂമി കൈയേറിയ സംഭവം വീണ്ടും വിവാദമാക്കാനും ബിജെപി തയ്യാറെടുക്കുന്നുണ്ട്. വരാനിരിക്കുന്ന ലോകസഭാ തിരഞ്ഞെടുപ്പ് മുന്നില് കണ്ടാണ് ഈ വിധ പ്രക്ഷോഭപരമ്പരകള്ക്ക് തുടക്കമിടുന്നതെന്ന് വ്യക്തം.
-
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
ഉള്ളുരുകിയ പ്രാര്ഥനയില് എന്നുമുണ്ടാകും; മുസ്ലിം ലീഗിനോട് കടപ്പെട്ടിരിക്കുന്നു എന്ന് എംകെ മുനീര് -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google