എഫ്ഡിഐ: രാജ്യസഭയില് പിന്തുണയ്ക്കുമെന്ന് ബിഎസ്പി
വര്ഗ്ഗീയ കക്ഷികള്ക്കൊപ്പം നില്ക്കാന് താല്പ്പര്യമില്ലാത്തതാണ് യുപിഎ സര്ക്കാറിന് പിന്തുണ കൊടുക്കാന് കാരണം. പ്രധാനപ്പെട്ട പല ബില്ലുകളും സര്ക്കാറിന്റെ പരിഗണനയിലുണ്ട്. ഈ പ്രശ്നങ്ങള് പരിഹരിച്ചില്ലെങ്കില് സഭാനടപടികള് തുടര്ച്ചയായി തടസ്സപ്പെടും-മായാവതി കൂട്ടിച്ചേര്ത്തു.
ഇത് ബിജെപിയുടെ മാത്രം കാര്യമല്ല. വര്ഗ്ഗീയമായ ഒരു വിഷയവുമല്ല. തീര്ച്ചയായും ഇത് എഫ്ഡിഐയും സിബിഐയും തമ്മിലുള്ള വിഷയമായി മാറി. പല സമയത്തും അവര് ഞങ്ങളെ തേടി വന്നിരുന്നു. അന്ന് ഈ തൊട്ടുകൂടായ്മ ഇല്ലായിരുന്നു-പ്രതിപക്ഷ നേതാവ് സുഷമ സ്വരാജ് ബിഎസ്പിയുടെ ലോകസഭയിലെ ഇറങ്ങിപ്പോക്കിനെ സൂചിപ്പിച്ചുകൊണ്ട് കളിയാക്കിയിരുന്നു.
പിന്തുണച്ചില്ലെങ്കില് മായാവതിക്കെതിരേയുള്ള സിബിഐ അന്വേഷണം മുറുകും. സംസ്ഥാനം ഭരിയ്ക്കുന്നത് ചിരവൈരികളായ സമാജ്വാദി പാര്ട്ടിയാണ്. അഴിക്കുള്ളിലാകുമെന്ന് മായാവതിയ്ക്ക് പേടിയുണ്ടാകും.