രാജ്യത്ത് ഗര്‍ഭനിരോധന ഉറയുടെ വില്‍പ്പന കുറയുന്നു

ദില്ലി: രാജ്യത്ത് ഗര്‍ഭനിരോധന ഉറകളുടെ വില്‍പ്പനയില്‍ വന്‍കുറവുണ്ടായതായി റിപ്പോര്‍ട്ട്. ജനസംഖ്യ അനുദിനം വര്‍ധിച്ചുവരുന്ന സാഹചര്യത്തില്‍ ഈ കണക്കുകള്‍ സര്‍ക്കാറിന് തലവേദനയാകുമെന്ന കാര്യത്തില്‍ സംശയമില്ല.

കേന്ദ്രഭരണ പ്രദേശമുള്‍പ്പെടെ 34 പ്രദേശങ്ങളില്‍ 22 എണ്ണത്തിലും കോണ്ടം വില്‍പ്പന കുറഞ്ഞിട്ടുണ്ട്. ഏറ്റവും കൂടുതല്‍ കുറവുണ്ടായിട്ടുള്ളത് ആന്‍ഡമാന്‍ നിക്കോബാര്‍ ദ്വീപിലാണ്. 50 ശതമാനം. മധ്യപ്രദേശില്‍ 39 ശതമാനവും സിക്കിമില്‍ 38 ശതമാനവും കേരളത്തില്‍ 33 ശതമാനവും ഹരിയാനയില്‍ 31 ശതമാനവും വില്‍പ്പന കുറഞ്ഞിട്ടുണ്ട്.

ഉത്തരാഖണ്ഡില്‍ 27 ശതമാനം ഉത്തര്‍പ്രദേശ് 11 ശതമാനം രാജസ്ഥാന്‍ 23 ശതമാനം ഒഡിഷ, ഛത്തിസ്ഗഡ് 22 ശതമാനം ഛത്തിസ്ഗഡ് 24 ശതമാനം ഹിമാചല്‍ 20 ശതമാനം എന്നിങ്ങനെയാണ് മറ്റു പ്രധാന കണക്കുകള്‍.

അതേ സമയം ബീഹാറിലും ജമ്മു കാശ്മീരിലും ഗര്‍ഭനിരോധന ഉറകളുടെ വില്‍പ്പന വര്‍ധിപ്പിച്ചിരിക്കുകയാണ്. ബിഹാറില്‍ 38 ശതമാനവും കാശ്മീരില്‍ എട്ടുശതമാനവും വളര്‍ച്ച രേഖപ്പെടുത്തി. അതേ സമയം തമിഴ്‌നാട്ടിലും പഞ്ചാബിലും വില്‍പ്പനയുടെ കണക്കില്‍ കാര്യമായ മാറ്റമുണ്ടായിട്ടില്ല.

English summary

Condom use among men in India is falling drastically — a dangerous trend for the country's already swelling population.