വാള്‍മാര്‍ട്ടിന്റെ കോഴ ജുഡീഷ്യല്‍ അന്വേഷണം നടത്തും

ദില്ലി ഇന്ത്യയില്‍ വിദേശനിക്ഷേപം അനുവദിയ്ക്കുന്നതിന് 125 കോടി വാള്‍മാര്‍ട്ട് കൈക്കൂലി നല്‍കിയെന്ന ആരോപണത്തെ കുറിച്ച് വിരമിച്ച ജഡ്ജിയെ കൊണ്ട് അന്വേഷണം നടത്തുമെന്ന് കേന്ദ്ര സര്‍ക്കാര്‍ പ്രഖ്യാപിച്ചു. ലോക്‌സഭയില്‍ പാര്‍ലമെന്ററികാര്യ മന്ത്രി കമല്‍നാഥാണ് ഇക്കാര്യം അറിയിച്ചത്.

രാവിലെ സഭ സമ്മേളിച്ച ശേഷമാണ് കമല്‍നാഥ് സര്‍ക്കാരിന്റെ തീരുമാനം അറിയിച്ചത്. സമയബന്ധിതമായി അന്വേഷണം പൂര്‍ത്തിയാക്കാനാണ് നിര്‍ദ്ദേശമെന്നും അദ്ദേഹം പറഞ്ഞു. രാജ്യസഭയിലും മന്ത്രി ഇക്കാര്യം അറിയിക്കുമെന്ന് അധ്യക്ഷന്‍ ഹമീദ് അന്‍സാരി അറിയിച്ചു.

വാള്‍മാര്‍ട്ട് 125 കോടി ചെലവഴിച്ചുവെന്ന വിവാദത്തെ കുറിച്ച് സര്‍ക്കാര്‍ വിശദീകരിക്കണമെന്ന് ആവശ്യപ്പെട്ട് പ്രതിപക്ഷം കഴിഞ്ഞ ദിവസങ്ങളില്‍ പാര്‍ലമെന്റ് തടസപ്പെടുത്തിയിരുന്നു. ഇതേതുടര്‍ന്ന് സര്‍ക്കാര്‍ അന്വേഷണത്തിന് തയാറാണെന്ന് ചൊവ്വാഴ്ച സഭയെ അറിയിച്ചിരുന്നു. അന്വേഷണത്തെ എല്ലാ കക്ഷികളും സ്വാഗതം ചെയ്തു.

English summary

The government announced an inquiry into lobbying practices by Wal-Mart Stores Inc. (WMT.N) on Wednesday after a report that the giant retailer had pressed U.S. lawmakers to help gain access to foreign markets.