മായാവിയുടെ പിതാവ് അന്തരിച്ചു
കുട്ടികളുടെ പ്രിയകഥാപാത്രം മായാവിയുടെ സ്രഷ്ടാവ് എന്എം മോഹന്(63) അന്തരിച്ചു. കുട്ടികളുടെ മാസികയായിരുന്ന പൂമ്പാറ്റയുടെ മുന് പത്രാധിപരയും ബാലരമ മുന് എഡിറ്റര് ഇന്ചാര്ജുമായിരുന്നു. കോട്ടയം നട്ടാശേരി ചെരുനാരകം റോഡിലെ പാലാ മുണ്ടയ്ക്കല് കുടുംബാംഗമാണ്.
പാലാ സെന്റ് തോമസ് കോളജിലും ചങ്ങനാശ്ശേരി എന്എസ്എസ് കോളജിലുമായിരുന്നു വിദ്യാഭ്യാസം. ചിത്രകാര്ത്തികയെന്ന പ്രസിദ്ധീകരണത്തിലൂടെ പത്രപ്രവര്ത്തനജീവിതം ആരംഭിച്ചു. പൂമ്പാറ്റയിലെത്തിയതോടെ ശ്രദ്ധിക്കപ്പെടാന് തുടങ്ങി. ബാലരമ ഡൈജസ്റ്റ്, അമര് ചിത്രകഥ, മാജിക് പോട്ട്, ടെല് മി വൈ, കളിക്കുടുക്ക തുടങ്ങിയ പ്രസിദ്ധീകരണങ്ങളുടെയും ചുക്കാന് പിടിച്ചിരുന്നു.
പ്രമുഖ വ്യവസായിയും വ്യാപാരി വ്യവസായി ഏകോപനസമിതി നേതാവുമായിരുന്ന പരേതനായ പാലാ അരുണാപുരം മുണ്ടയ്ക്കല് എന്ജി ഭാസ്കരന് നായരാണ് പിതാവ്. കഴിഞ്ഞ വര്ഷം ഡിസംബര് 11നാണ് ഭാസ്കരന് നായര് അന്തരിച്ചത്.
ഭാര്യ ലത: മക്കള്: ബാലു മോഹന് (ജേണലിസ്റ്റ്, ഇക്കണോമിക് ടൈംസ്, ബാംഗ്ലൂര്), ഗോപു മോഹന് (ജേണലിസ്റ്റ്, ഇന്ത്യന് എക്സ്പ്രസ്, ചെന്നൈ). മരുമക്കള്: ജപനീത് (ഡിസൈനര്), ആനി (ജേണലിസ്റ്റ്, ന്യൂ ഇന്ത്യന് എക്സ്പ്രസ്, ചെന്നൈ). സംസ്കാരം വ്യാഴാഴ്ച വൈകുന്നേരം നാലിനു വസതിയില് നടക്കും.
Click it and Unblock the Notifications
Sign in with Google