പോളിയോ ടീമിനുനേരെ വീണ്ടും ആക്രമണം, മരണം ഏഴായി
രാജ്യത്ത് പോളിയോ രോഗങ്ങള് കൂടുതല് റിപ്പോര്ട്ട് ചെയ്യപ്പെട്ടതിന്റെ അടിസ്ഥാനത്തിലാണ് ലോകാരോഗ്യസംഘടന മുന്കൈയെടുത്ത് പോളിയോ വാക്സിന് വിതരണം ആരംഭിച്ചത്. എന്നാല് യുഎന് പ്രതിനിധികള് രാജ്യത്ത് ചാരപ്രവര്ത്തനത്തിനെത്തിയതാണെന്ന് ആരോപിച്ച് താലിബാന് ആക്രമണം അഴിച്ചുവിടുകയാണ്.
ലോകത്ത് ഇപ്പോഴും പോളിയോ നിയന്ത്രണവിധേയമാകാത്ത മൂന്നു രാജ്യങ്ങളാണ് ഉള്ളത്. അതില് ഒന്ന് പാകിസ്താനാണ്. മൂന്നു ദിവസം നീണ്ടു നില്ക്കുന്ന പോളിയോ നിര്മാര്ജ്ജന യജ്ഞം തിങ്കളാഴ്ചയാണ് ആരംഭിച്ചത്. താലിബാന് തീവ്രവാദികള്ക്ക് ആധിപത്യമുള്ള മേഖലകളിലെല്ലാം ആരോഗ്യപ്രവര്ത്തകര്ക്കു നേരെ ആക്രമണം അഴിച്ചുവിടുകയാണ്.
ആരോഗ്യപ്രവര്ത്തകള് ജനങ്ങള്ക്കിടയിലേക്ക് ഇറങ്ങി ചെന്ന് ബോധവത്കരണം നടത്തുന്നതിനെ മുസ്ലീം തീവ്രവാദികള് ഏറെ ആശങ്കയോടെയാണ് കാണുന്നത്. പുറം ലോകവുമായി ജനങ്ങള് ആശയവിനിമയം നടത്തുന്നത് തിരിച്ചടിയാകുമെന്ന പേടിയായിരിക്കാം ആക്രമണത്തിനു പിന്നിലെന്ന് കരുതുന്നു.
Click it and Unblock the Notifications
Sign in with Google