മദ്യത്തിനും സിഗരറ്റിനും 'പാപനികുതി' വരുന്നു
ശരീരത്തിന് കേടുണ്ടാക്കുന്ന പുകയില, മദ്യം എന്നിവയ്ക്കുള്ള നികുതി വര്ധിപ്പിക്കാനാണ് ആലോചന. ഡിസംബര് 27ന് ചേരുന്ന ദേശീയവികസന സമിതി ഇക്കാര്യം ചര്ച്ച ചെയ്യാന് സാധ്യതയുണ്ട്. കൂടാതെ ഇലക്ട്രോണിക് മീഡിയകളിലൂടെ ഇത്തരം ഉത്പന്നങ്ങളുടെ പരസ്യം പുറത്തുവരുന്നത് പരിപൂര്ണമായും തടയാനും സര്ക്കാര് ആലോചിക്കുന്നുണ്ട്.
പുകവലിയും അമിത മദ്യപാനവുമാണ് ഇന്ത്യയെ അലട്ടുന്ന ഏറ്റവും വലിയ ആരോഗ്യപ്രശ്നം. പുകയില ഉത്പന്നങ്ങള് ഉപയോഗിക്കുന്നത് മൂലമുണ്ടാകുന്ന അസുഖങ്ങളില് 2500 പേരാണ് ഒരു ദിവസം ഇന്ത്യയില് മരണമടയുന്നത്.
ഇന്ത്യയില് നടക്കുന്ന റോഡപകടങ്ങളില് 25 ശതമാനവും മദ്യപാനവുമായി ബന്ധപ്പെട്ടതാണ്. മദ്യപാനവുമായി ബന്ധപ്പെട്ട പ്രശ്നങ്ങള്ക്ക് പരിഹാരം കാണുന്നതിന് ഏകദേശം 27500 കോടി രൂപയോളം ഇന്ത്യ ചെലവാക്കുന്നുണ്ട്. എന്നാല് മദ്യത്തില് നിന്നു ലഭിക്കുന്ന നികുതി ഏകദേശം 26400കോടി രൂപയേ വരുന്നുള്ളൂ.
Click it and Unblock the Notifications
Sign in with Google