• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മതനിന്ദ, പാകിസ്താനില്‍ ആളെ ചുട്ടുകൊന്നു

ഹൈദരാബാദ്: മതനിന്ദ നടത്തിയെന്നാരോപിച്ച് പാകിസ്താനില്‍ ഒരാളെ ചുട്ടുകൊന്നു. സിന്ധ് പ്രവിശ്യയുടെ ഭാഗമായ സീതയിലാണ് സംഭവം. വിശുദ്ധ ഗ്രന്ഥമായ ഖുറാന്‍ അഗ്നിക്കിരയാക്കിയെന്നാണ് ഇയാള്‍ക്കെതിരേയുള്ള കുറ്റം.

മേഖലയിലുള്ള ഒരു പള്ളിയില്‍ ഖുറാന്‍ കത്തിച്ച നിലയില്‍ കണ്ടതിനെ തുടര്‍ന്നായിരുന്നു ജനരോഷം. യാത്രക്കാരനായ ഒരാള്‍ രാത്രിയില്‍ പള്ളിയില്‍ തങ്ങിയിരുന്നതായി ഇമാം മൗലവി മേമണ്‍ മൊഴി നല്‍കിയിരുന്നു. ഇയാളെ കണ്ടെത്തിയ പ്രദേശവാസികള്‍ ക്രൂരമായി മര്‍ദ്ദിച്ചതിനുശേഷം പോലിസിനു കൈമാറി.

എന്നാല്‍ ഏതാനും മണിക്കൂറുകള്‍ക്കു ശേഷം 200ഓളം പേരടങ്ങുന്ന സംഘം പോലിസ് സ്‌റ്റേഷന്‍ ആക്രമിച്ച് ഇയാളെ പുറത്തേക്ക് വലിച്ചിഴച്ച് കൊണ്ട് അഗ്നിക്കിരയാക്കുകയായിരുന്നു. ആക്രമണവുമായി ബന്ധപ്പെട്ട് 30 പേരെ അറസ്റ്റ് ചെയ്തിട്ടുണ്ട്.

പാകിസ്താനില്‍ മതനിന്ദ നടത്തിയെന്നാരോപിച്ച് 1990 മുതല്‍ ഇതുവരെ 53 പേരെയാണ് കൊന്നൊടുക്കിയിട്ടുള്ളത്. മതനിന്ദ പാകിസ്താനില്‍ മരണശിക്ഷ ലഭിക്കാവുന്ന കുറ്റമാണ്. പലപ്പോഴും മതനിന്ദ ആരോപിക്കപ്പെടുന്നവര്‍ക്ക് ശരിയായ നീതി ലഭിക്കുന്നില്ലെന്ന പരാതിയും രാജ്യത്ത് സജീവമാണ്. മതനിഷേധിയായി പരിഗണിക്കുമെന്ന് പേടിച്ച് അഭിഭാഷകര്‍ പോലും ഇവര്‍ക്കുവേണ്ടി കോടതിയിലെത്തില്ല.

വ്യക്തിവൈരാഗ്യം തീര്‍ക്കാന്‍ വേണ്ടി പലരും ഈ നിയമത്തിന്റെ പഴുത് ഉപയോഗിക്കുന്നതായി രാജ്യത്തെ മനുഷ്യാവകാശസംഘടനകള്‍ കുറ്റപ്പെടുത്തുന്നുണ്ട്. പുതിയ കേസിലും വഴിയാത്രക്കാരനാണ് ഖുറാന്‍ കത്തിച്ചതെന്ന് തെളിഞ്ഞിട്ടില്ല. കിംവദന്തികളുടെ അടിസ്ഥാനത്തില്‍ ആളുകള്‍ ഇളകി മറിയുകയായിരുന്നു.

English summary
A mob broke into a Pakistani police station and burnt a man accused of desecrating the Quran alive, police said on Saturday, in the latest violence focusing attention on the country's blasphemy laws
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more