കശ്മീര് താഴ്വരയിലും തീവണ്ടിയുടെ ചൂളംവിളി
വ്യാഴാഴ്ചയാണ് ട്രയല് റണ് നടത്താന് തീരുമാനിച്ചിരുന്നതെങ്കിലും പ്രദേശവാസികളുടെ പ്രതിഷേധത്തെ തുടര്ന്ന് ഇത് മാറ്റുകയായിരുന്നു. തീവണ്ടിയ്ക്ക് ഇവിടെ സ്റ്റോപ്പ് അനുവദിയ്ക്കണമെന്നാവശ്യപ്പെട്ട് ഖ്വാസിഗഡിലെ ജനങ്ങളാണ് പ്രതിഷേധിച്ചത്. പ്രാദേശിക രാഷ്ട്രീയ നേതാക്കള് ഇടപെട്ടതോടെയാണ് പ്രതിഷേധക്കാര് പിന്വാങ്ങിയത്.
ഇന്ത്യയിലെ ഏറ്റവും വലിയ റെയില്വേ തുരങ്കം ഈ പാതയിലാണുള്ളത്. 11.21 കിലോമീറ്ററാണു തുരങ്കത്തിന്റെ നീളം. തുരങ്കത്തിനു 8.40 മീറ്റര് വീതിയും 7.39 മീറ്റര് ഉയരവുമുണ്ട്. ഏഷ്യയിലെ ഏറ്റവും വലിയ രണ്ടാമത്തെ തുരങ്കമാണിത്. അടിയന്തരസാഹചര്യങ്ങള് നേരിടാന് തുരങ്കത്തിനൊപ്പം മൂന്ന് മീറ്റര് റോഡും നിര്മിച്ചിട്ടുണ്ട്. ഈ പാതയിലൂടെ തീവണ്ടി സര്വീസ് സാധ്യമാകുന്നതോടെ രണ്ട് നഗരങ്ങള് തമ്മിലുള്ള ദൂരം പാതിയായി കുറയും.
ഖ്വാസിഗഡ് മുതല് ബാരമുള്ള വരെയാണു പാത. പിര് പഞ്ജല് മലനിരകളിലൂടെ കടന്നു പോകുന്ന 17.5 കിലോമീറ്റര് നീളമുള്ള പാത നിര്മിയ്ക്കുന്ന്. ഹിന്ദുസ്ഥാന് കണ്സ്ട്രക്ഷന് കോര്പ്പറേഷനാണ്.
ചരിത്ര മുഹൂര്ത്തം വീക്ഷിക്കാന് ആയിരക്കണക്കിനു പേരാണ് ഒത്തുകൂടിയത്. പരീക്ഷണ ഓട്ടം പൂര്ത്തിയാക്കി അടുത്ത വര്ഷം ഫെബ്രുവരി മാര്ച്ചില് തീവണ്ടി സര്വീസ് ആരംഭിക്കുമെന്നു റെയില്വെ അറിയിച്ചിരിയ്ക്കുന്നത്. 2017 ല് പദ്ധതി പൂര്ണതോതില് സജ്ജമാകും.
Click it and Unblock the Notifications
Sign in with Google