യാത്രാവിമാനം റോഡിലേക്ക് ഇടിച്ചിറങ്ങി 4 മരണം
മോസ്കോയിലെ നുക്കുവോ വിമാനത്താവളത്തില് ഇറങ്ങിയ ദ റെഡ് വിങ് എയര്ലൈന്സിന്റെ ടുപലോവ് 204 വിമാനമാണ് ശനിയാഴ്ച തകര്ന്നത്. ചെക് റിപ്പബഌക്കില് നിന്നും എട്ട് വിമാനയാത്രക്കാരുമായി വരികയായിരുന്ന വിമാനമാണ് തകര്ന്നത്. യാത്രക്കാര് ആരും വിമാനത്തിലുണ്ടായിരുന്നില്ലെന്ന് അധികൃതര് അറിയിച്ചു.
റഷ്യയിലെ ഏറ്റവും തിരക്കേറിയ മൂന്നാമത്തെ വിമാനത്താവളമാണ് നുക്കുവോ. നിയന്ത്രണംവിട്ട വിമാനം റണ്വേയും കടന്ന് തൊട്ടടുത്തുള്ള മെയിന്റോഡില് ഇടിച്ചാണ് നിന്നത്. വിമാനം നിരവധി കഷണങ്ങളായി തകര്ന്നു. കോക്പിറ്റ് തകര്ന്ന് റോഡില് വീണു. തുടര്ന്നു വിമാനം കത്തി നശിച്ചു. അപകടത്തെ തുടര്ന്ന് വിമാനത്താവളം അടച്ചിരിയ്ക്കുകയാണ്.
വിമാനം റോഡില് വന്നിടിയ്ക്കുന്നതിന്റെ വീഡിയോ ദൃശ്യങ്ങള് ചാനലുകള് പുറത്തുവിട്ടു. വിമാനത്തിന്റെ അവശിഷ്ടങ്ങള് റോഡിലൂടെ പോകുന്ന കാറില് വന്നിടിയ്ക്കുന്നതിന്റെ ദൃശ്യങ്ങള് ഇതില് കാണാം.
Click it and Unblock the Notifications
Sign in with Google