കൊടും തണുപ്പ്: യുപിയില് മരണം 100 കവിഞ്ഞു
ദില്ലി ഇന്ദിരാഗാന്ധി വിമാനത്താവളത്തിന്റെ പ്രവര്ത്തനം അവതാളത്തിലായി. മൂടല്മഞ്ഞ് മൂലം മിക്ക വിമാനങ്ങളും വൈകി. ചിലവ തിരിച്ചുവിട്ടു.
അതേസമയം അതിശൈത്യം ഉത്തര്പ്രദേശില് കടുത്ത ദുരന്തമാണ് വിതയ്ക്കുന്നത്. കൊടുംതണുപ്പില് മരണനിരക്ക് ഉയരുകയാണ്. ഇതിനകംതന്നെ 107 പേര്ക്കാണ് ജീവന് നഷ്ടമായത്. ഒരാഴ്ചയോളമായി ഒരു ഡിഗ്രിക്കടുത്ത് മാത്രം താപനിലയുള്ള മുസാഫര് നഗറിലാണ് ബുധനാഴ്ച നാല് പേര് മരിച്ചത്.
മുസാഫര്നഗറില് 0.6 ഡിഗ്രി താപനില രേഖപ്പെടുത്തിയപ്പോള് മധുരയില് മൂന്നു ഡിഗ്രിയും ആഗ്ര, ബുലന്ദ്ഷഹര്, ഇത്വ എന്നിവിടങ്ങളില് രണ്ടു ഡിഗ്രിയും ബാരബങ്കിയിലും മിര്സാപുരിലും ഒരു ഡിഗ്രിയുമായിരുന്നു താപനില. ജയ്പൂരില് സ്കൂളുകള്ക്ക് 12 വരെ അവധി നല്കിയിരിക്കുകയാണ്. ചിലയിടങ്ങളില് സ്കൂള് പ്രവൃത്തിസമയം പുനക്രമീകരിച്ചു.
ഹിമാചല് പ്രദേശിലെ കല്പയില് താപനില മൈനസ് 3.5 ഡിഗ്രി സെല്ഷ്യസായി. രാജസ്ഥാന്, പഞ്ചാബ്, ഹരിയാന, ചണ്ഡിഗഡ് എന്നിവിടങ്ങളിലും കൊടുംതണുപ്പ് അനുഭവപ്പെടുകയാണ്.
Click it and Unblock the Notifications
Sign in with Google