നഷ്ടം 900 കോടി; കെഎസ്ആര്ടിസി നിരക്ക് കൂട്ടില്ല
കെഎസ്ആര്ടിസിയെ എണ്ണകമ്പനികള് വന്കിട ഉപഭോക്താക്കളുടെ ഗണത്തില്പെടുത്തിയതോടെ ഇനി അധികവിലയായിരിക്കും ഡീസലിന് നല്കേണ്ടിവരിക. ലിറ്ററിന് 11.43 രൂപയാണ് അധികമായി നല്കേണ്ടിവരിക. ഈ നിലയില് ഒരു മിനിറ്റ് പോലും മുന്നോട്ടുപോകാനാകില്ലെന്ന് മന്ത്രി പറഞ്ഞു. അടിയന്തര പരിഹാരമുണ്ടായില്ലെങ്കില് ഗതാഗതസംവിധാനം നാമാവശേഷമാകുമെന്നും ആര്യാടന് മുന്നറിയിപ്പ് നല്കി.
അതേസമയം പ്രതിസന്ധി മറികടക്കാന് കെഎസ്ആര്ടിസി വന്തോതില് സര്വീസ് വെട്ടിച്ചുരുക്കുമെന്ന് റിപ്പോര്ട്ടുകളുണ്ട്. താങ്ങാനാകാത്ത ബാധ്യത ഒഴിവാക്കാനായി സര്വീസുകള് വെട്ടിക്കുറയ്ക്കുമ്പോള് യാത്രാസൗകര്യം കുറഞ്ഞ ഗ്രാമീണ മേഖലയെയായിരിക്കും കൂടുതല് ബാധിക്കുക.
കെഎസ്ആര്ടിസിക്കുള്ള ഡീസലിന് ലിറ്ററിന് 11.53 രൂപയാണ് ഇന്ത്യന് ഓയില് കോര്പറേഷന് വര്ധിപ്പിച്ചത്. ഇതിലൂടെ പ്രതിമാസം 14 കോടി രൂപയുടെ അധിക ബാധ്യത കോര്പറേഷനുണ്ടാകും. ശമ്പളവും പെന്ഷനും കൊടുക്കാന് തന്നെ ബുദ്ധിമുട്ടുന്ന കെഎസ്ആര്ടിസിയുടെ നിലനില്പിനെ തന്നെ ബാധിയ്ക്കുന്നതാണ് പുതിയ പ്രതിസന്ധി.