ദേശീയ എംഎന്‍പി അഞ്ചുമാസത്തോളം വൈകും

ദീര്‍ഘയാത്ര ചെയ്യുന്നവര്‍ക്ക് ഉപകാരപ്പെടുന്നൊരു കാര്യം വരുന്നു. മൊബൈല്‍ ഫോണ്‍ നമ്പര്‍ മാറാതെ സര്‍വീസ് നല്‍കുന്ന കമ്പനി മാറാവുന്ന മൊബൈല്‍ നമ്പര്‍ പോര്‍ട്ടബിലിറ്റി സൗകര്യം രാജ്യവ്യാപകമാക്കുന്നു. നാലോ അഞ്ചോ മാസത്തിനകം ഇത് നിലവില്‍ വരുമെന്നാണ് പ്രതീക്ഷ.

അതത് ടെലികോം സര്‍ക്കിളുകളില്‍ നിലവിലുള്ള സൗകര്യമാണ് രാജ്യവ്യാപകമാക്കുന്നത്. ഇക്കാര്യത്തിനുള്ള പ്രാഥമിക നടപടികളെല്ലാം ടെലികോം അതോറിറ്റി ഓഫ് ഇന്ത്യ സ്വീകരിച്ചുകഴിഞ്ഞതായി മുഖ്യ ഉപദേശകന്‍ കെ. രാംചന്ദ് വെളിപ്പെടുത്തി. ടെലികോം വകുപ്പ് മുന്‍കൈയെടുത്താണ് ഈ സൗകര്യം ഒരുക്കുന്നത്.

ഇക്കാര്യത്തില്‍ ടെലികോം സേവന ദാതാക്കളുടെ അഭിപ്രായം തേടിയിട്ടുണ്ട്. ഇക്കാര്യം വിദഗ്ദരുമായി ചര്‍ച്ച ചെയ്തശേഷമുള്ള നിര്‍ദേശങ്ങള്‍ അവര്‍ക്ക് കൈമാറി. അഭിപ്രായം അറിയിക്കാനുള്ള അവസാനതീയതി മാര്‍ച്ച് ഏഴിന് അവസാനിക്കും. എന്തായാലും ഈ സേവനം നാലഞ്ച് മാസത്തിനകം വരിക്കാരിലത്തെിക്കാനാകുമെന്നാണ് പ്രതീക്ഷ- അദ്ദേഹം പറഞ്ഞു.

2013 ഫെബ്രുവരി മുതല്‍ നടപ്പാക്കുമെന്ന് കേന്ദ്ര ടെലികോം മന്ത്രി കപബില്‍ സിബല്‍ നേരത്തേ വ്യക്തമാക്കിയിരുന്നതാണ്. ചില സാങ്കേതികപ്രശ്നങ്ങളാണ് ഈ കാലതാമസം. രാജ്യത്തെ 22 ടെലികോം സര്‍ക്കിളുകളിലെ അഞ്ച് കോടി ഉപഭോക്താക്കള്‍ക്കെങ്കിലും ഇതിന്‍െറ പ്രയോജനം കിട്ടും.

English summary

Having released the pre-consultation paper on Nationwide Mobile Number Portability last week, the Telecom Regulatory Authority of India (TRAI) expects to roll out nationwide Mobile Number Portability (MNP) in the next 4-5 months,