കുഞ്ഞിനെ പീഡിപ്പിച്ച സംഭവം: 20 പേരെ ചോദ്യം ചെയ്തു
മെഡിക്കല് കോളേജ് ആസ്പത്രിയിലെ മാതൃ-ശിശു സംരക്ഷണകേന്ദ്രത്തിലെ തീവ്രപരിചരണവിഭാഗത്തില് പ്രവേശിപ്പിച്ച കുട്ടിക്ക് രണ്ട് മണിക്കൂര് നീണ്ട വലിയ ശസ്ത്രക്രിയനടത്തിയിട്ടുണ്ട്.
എ.ഡി.ജി.പി ചുമതലപ്പെടുത്തിയ പ്രത്യേക അന്വേഷണസംഘത്തലവന് തിരൂര് ഡി.വൈ.എസ്.പി കെ.എം സെയ്താലിയുടെ നേതൃത്വത്തിലുളള സംഘം കുട്ടിയുടെ അമ്മയില് നിന്നും മൊഴിയെടുത്തിട്ടുണ്ട്. രണ്ടുദിവസം മുന്പ് തന്നെ ശല്യ ചെയ്തിരുന്ന ഒരാളെക്കുറിച്ച് ഇവര് പൊലീസിനോട് പരാതി പറഞ്ഞുവെന്നാണ് വിവരം. ആളെ കണ്ടാല് തിരിച്ചറിയാമെന്നും ഇവര് പൊലീസിനെ അറിയിച്ചിട്ടുണ്ട്. ഈ മൊഴിയുടെ അടിസ്ഥാനത്തില് കസ്റ്റഡിയിലുള്ളവരെ തിരിച്ചറിയല് പരേഡിന് വിധേയമാക്കുമെന്നും പൊലീസ് അറിയിച്ചു.
കോഴിക്കോട് മെഡിക്കല് കോളജില് കുട്ടികളുടെ വിഭാഗത്തില് ചികില്സയില് കഴിയുന്ന കുട്ടിയെ രണ്ടു ദിവസത്തിനകം തീവ്രപരിചരണ വിഭാഗത്തില് നിന്ന് വാര്ഡിലേക്ക് മാറ്റും.
നാടോടി സംഘത്തില്പ്പെട്ടവര് തന്നെയാണോ കുട്ടിയെ പീഡിപ്പിച്ചതെന്ന കാര്യമാണ് പൊലീസ് പ്രധാനമായി അന്വേഷിക്കുന്നത്. ഇതുവരെ കസ്റ്റഡിയിലെടുത്ത് ചോദ്യം ചെയ്തവരില് 18 പേരും നാടോടി സംഘാംഗങ്ങള് ആണ്. ഇതില്ത്തന്നെ രണ്ടു പേര് ഏറെക്കാലമായി തിരിരൂരിലും പരിസരത്തും ജീവിക്കുന്നവരാണ്.
ചോദ്യം ചെയ്തവരില് കൂടുതല്പ്പേരും കുട്ടി പീഡിപ്പിക്കപ്പെട്ട ദിവസം മദ്യലഹരിയിലായിരുന്നുവെന്ന് പൊലീസിന് വ്യക്തമായിട്ടുണ്ട്. രാത്രിയോടെതന്നെ കുട്ടിയെ കാണാനില്ലെന്ന കാര്യം തിരിച്ചറിഞ്ഞെങ്കിലും അടുത്ത ദിവസം കാലത്താണ് കുട്ടിയെ കണ്ടെത്തിയത്. സംഭവം നടന്ന് 12 മണിക്കൂര് കഴിഞ്ഞാണ് തങ്ങള്ക്ക് ഇതുസംബന്ധിച്ച പരാതി ലഭിച്ചതെന്നും പൊലീസ് പറയുന്നു.
തിരൂരിലെ ജില്ലാ ആശുപത്രി പരിസരം കേന്ദ്രീകരിച്ച് ചില സാമൂഹികവിരുദ്ധ സംഘങ്ങള് പ്രവര്ത്തിക്കുന്നുണ്ടെന്നും സംഭവത്തില് അവരെ സംശയമുണ്ടെന്നും നാട്ടുകാര് പറയുന്നു. ഇക്കാര്യത്തെക്കുറിച്ചും പൊലീസ് അന്വേഷണം നടത്തുന്നുണ്ട്.