Click it and Unblock the Notifications
Just In
Don't Miss
-
ഗബ്രിയെ തേക്കുന്ന ദിവസം; ജാസ്മിന് ചതിച്ചത് ഒരേസമയം രണ്ട് പേരെ; നിലനില്പ്പിന് വേണ്ടി എന്തും ചെയ്യും! -
ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
പര്‍വേസ് മുഷാറഫ് പാകിസ്താനിലെത്തി
കറാച്ചി: നാലുവര്‍ഷത്തെ പ്രവാസജീവിതത്തിനുശേഷം മുന്‍ പ്രസിഡന്റ് പര്‍വേസ് മുഷാറഫ് പാകിസ്താനിലെത്തി. ദുബായില്‍ നിന്നുള്ള പ്രത്യേക വിമാനത്തിലാണ് അദ്ദേഹം കറാച്ചിയിലെത്തിയത്. തീവ്രവാദ സംഘടനയായ താലിബാനില്‍ നിന്നുള്ള വധഭീഷണി വകവെയ്ക്കാതെയാണ് മുന്‍ സൈനിക മേധാവിയുടെ വരവ്.
മെയ് 11ന് നടക്കുന്ന പൊതുതിരഞ്ഞെടുപ്പില്‍ ഓള്‍ പാര്‍ട്ടി മുസ്ലീം ലീഗിനെ നയിക്കുന്നതിനുവേണ്ടിയാണ് മുഷാറഫിന്റെ വരവ്. ബേനസീര്‍ ഭൂട്ടോയുടെ കൊലപാതകത്തിന്റെ പേരില്‍ പാകിസ്താന്‍ കോടതി മുഷാറഫിനെതിരേ അനിശ്ചിതകാല വാറണ്ട് പുറപ്പെടുവിച്ചിരുന്നു.
ദുബായില്‍ നിന്നും പാകിസ്താനിലേക്ക് യാത്രതിരിക്കുന്നതിന് തൊട്ടുമുമ്പ് മുന്‍ പാകിസ്താന്‍ പ്രസിഡന്റ് പര്‍വേസ് മുഷാറഫ് മാധ്യമപ്രവര്‍ത്തകരെ കാണുന്നു-ഫോട്ടോ:പിടിഐ
ഭൂട്ടോയ്ക്ക് സുരക്ഷ നല്‍കുന്ന കാര്യത്തില്‍ മുഷാറഫ് ബോധപൂര്‍വം വീഴ്ചവരുത്തിയെന്ന ആരോപണമാണ് ഉന്നയിച്ചിരുന്നത്. ഇതടക്കമുള്ള കേസുകളില്‍ കോടതി താല്‍ക്കാലിക ജാമ്യം അനുവദിച്ച പശ്ചാത്തലത്തിലാണ് മടക്കം.
പ്രത്യേകം ചാര്‍ട്ട് ചെയ്ത എമിറേറ്റ് വിമാനത്തിലാണ് മുഷാറഫ് കറാച്ചിയിലെത്തിയത്. ദുബായില്‍ നിന്നു വിമാനം കയറുന്നതിന് തൊട്ടുമുമ്പ് ട്വിറ്ററിലൂടെ മുഷാറഫ് ഇക്കാര്യം ലോകത്തെ അറിയിച്ചു. ഞാന്‍ ഇന്ന് ഉച്ചയ്ക്ക് ഒരു മണിയ്ക്ക് കറാച്ചിയിലെത്തും. എന്നായിരുന്നു സന്ദേശത്തിലുണ്ടായിരുന്നത്. വിമാനത്താവളത്തില്‍ നിന്നും പര്‍വേസിനെ സുരക്ഷിത കേന്ദ്രത്തിലേക്ക് മാറ്റിയിട്ടുണ്ട്.
