കോടിയേരിക്ക് വേണം; വിഎസിന് എല്സിഡി വേണ്ട
നേരത്തെ എം എല് മാര്ക്ക് എല് സി ഡി ടി വി നല്കിയ സര്ക്കാര് നടപടിയെ ന്യായീകരിച്ച് സ്പീക്കര്ക്ക് പുറമേ ഉപ പ്രതിപക്ഷനേതാവ് കോടിയേരി ബാലകൃഷ്ണന് രംഗത്ത് വന്നിരുന്നു. എം എല് എ മാര്ക്ക് ടി വി നല്കുന്നതില് തെറ്റില്ല. ഇടതുസര്ക്കാരും ഇതുപോലെ സമ്മാനങ്ങള് നല്കിയിട്ടുണ്ട്. പവര്കട്ടിലും ചൂടിലും നാട് പൊരിയുമ്പോള് എല് സി ഡി ടി വി സമ്മാനം നല്കിയത് വിവാദമായിരുന്നെങ്കിലും എം എല് എ മാരാരും പ്രതികരിക്കാന് തയ്യാറായിരുന്നില്ല.
നേരത്തെ മന്ത്രി കുഞ്ഞാലിക്കുട്ടി സമ്മാനമായി കൊടുത്ത ഐ പാഡും വി എസ് അച്യുതാനന്ദന് നിരസിച്ചിരുന്നു. നാല്പ്പതിനായിരം രൂപയോളം വിലയുള്ള ഐ പാഡാണ് കുഞ്ഞാലിക്കുട്ടി എം എല് എ മാര്ക്ക് സമ്മാനമായി നല്കിയിരുന്നത്. അന്നും പ്രതിപക്ഷാംഗങ്ങള് ഉള്പ്പെടെ 23 പേരൊഴികെയുള്ള എല്ലാ എം എല് എമാരും സമ്മാനം സ്വീകരിച്ചിരുന്നു.
കൃഷി വകുപ്പാണ് എം എല് എ മാര്ക്ക് വിഷുക്കൈനീട്ടമായി എല് സി ഡി ടി വി സമ്മാനം കൊടുത്തത്. 20 ലക്ഷത്തിലധികം രൂപ മുടക്കിയാണ് കൃഷിവകുപ്പ് എം എല് മാര്ക്കുളള വിഷുക്കൈനീട്ടം തയ്യാറാക്കിയത്. 36 ഇഞ്ച് സോണി എല് സി ഡി ടിവിയാണ് പ്രതിപക്ഷാംഗങ്ങള് ഉള്പ്പെടെയുള്ള എം എല് എ മാര്ക്ക് വിഷുക്കൈനീട്ടമായി കിട്ടിയത്. ടി വി യോടൊപ്പം കൃഷിവകുപ്പിന്റെ പുതിയ ഉല്പ്പന്നമായ നീരയും എം എല് എ മാര്ക്ക് സൗജന്യമായി നല്കിയിരുന്നു.