Click it and Unblock the Notifications
Just In
Don't Miss
-
എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക് -
ഇനി ഡാഷ് ക്യാം വാങ്ങേണ്ട! പഴയ ഫോൺ ഉണ്ടെങ്കിൽ എല്ലാം സെറ്റ്! -
IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം -
15x15x15 - കോടിപതിയാകാൻ ഒരു സൂത്രവാക്യം -
മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കുട്ടികള്‍ ഫേസ്ബുക്ക് ഉപയോഗിക്കുന്നത് ശരിയോ? കോടതി
മുന്‍ ബിജെപി നേതാവ് കെ.എന്‍ ഗോവിന്ദാചാര്യ സമര്‍പ്പിച്ച പരാതിയിലാണ് കോടതി നിര്‍ദേശം. ഗൂഗിള്‍, ഫേസ്ബുക്ക് എന്നീ സോഷ്യല്‍ നെറ്റ്‌വര്‍ക്കിങ് സൈറ്റുകള്‍ ഉപഭോക്താക്കള്‍ നല്‍കിയ വിവരങ്ങള്‍ ശരിയാണോയെന്ന് ഉറപ്പ് വരുത്തുന്നില്ലെന്ന് കാണിച്ചായിരുന്നു ഗോവിന്ദാചാര്യ പരാതി നല്‍കിയത്. 2012 ജൂണിലാണ് ഗോവിന്ദാചാര്യ പരാതി നല്‍കിയത്. മൊബൈല്‍ടെലികോം കമ്പനികള്‍ക്ക് ഉപഭോക്താക്കളെ കുറിച്ച് അറിയുന്നതിനായി സര്‍ക്കാര്‍ നല്‍കിയ നിര്‍ദേശങ്ങള്‍ മിക്കതും പാലിക്കപ്പെടുന്നില്ലെന്നും പരാതിയില്‍ പറയുന്നു. കേസിന്റെ തുടര്‍ വാദങ്ങള്‍ മെയ് 13 ലേക്ക് മാറ്റി വെച്ചു.
ഫേസ്ബുക്കിനും ഗൂഗിളിനും കോടതി ഇതുസംബന്ധിച്ച് നോട്ടീസ് നല്‍കിയിട്ടുണ്ട്. ഇന്ത്യന്‍ കോണ്‍ട്രാക്ട് ആക്ട്, ഇന്‍ഫര്‍മേഷന്‍ ടെക്‌നോളജി ആക്ട്, ഇന്ത്യന്‍ മെജോരിറ്റി ആക്ട് എന്നിവ പ്രകാരം സോഷ്യല്‍ നെറ്റ്‌വര്‍ക്കിങ് സൈറ്റുകളില്‍ കുട്ടികള്‍ നല്‍കുന്ന ഉറപ്പുകള്‍ നിയമവിരുദ്ധമാണെന്ന് വാദിഭാഗം കോടതിയില്‍ വാദിച്ചു.
യു.എസ്. സെക്യൂരിറ്റീസ് ആന്റ് എക്‌സ്‌ചേഞ്ച് കമ്മീഷന് 2012 ജൂണില്‍ ഫേസ്ബുക്ക് തന്നെ നല്‍കിയ വിവരത്തില്‍ ഫേസ്ബുക്കിലെ എട്ട് കോടിയിലധികം ഉപഭോക്താക്കള്‍ നല്‍കിയ വിവരങ്ങള്‍ തെറ്റാണെന്ന് പറയുന്നുണ്ടെന്നും വാദമുണ്ടായി.
ഫേസ്ബുക്കും ഗൂഗിളും ഇന്ത്യയില്‍ നിന്നും നേടുന്ന വരുമാനത്തിന് നികുതി ഈടാക്കണമെന്നും ഗോവിന്ദാചാര്യയുടെ ഹരജിയില്‍ പറയുന്നു. അഞ്ച് കോടിയോളം വരുന്ന ഇന്ത്യന്‍ ഉപഭോക്താക്കളുടെ വിവരങ്ങള്‍ അമേരിക്കയ്ക്ക് കൈമാറി വാണിജ്യാവശ്യങ്ങള്‍ക്ക് ഉപയോഗിക്കുന്നത് സ്വകാര്യതാ ലംഘനമാണെന്നും പരാതിയില്‍ പറയുന്നുണ്ട്.
